ମୁମ୍ୱାଇ: ବଲିଉଡ୍ ଅଭିନେତ୍ରୀ ପ୍ରିୟଙ୍କା ଚୋପ୍ରା ଓ ତାଙ୍କ ମା’ ମଧୁ ଚୋପ୍ରାଙ୍କୁ ଆସନ୍ତା ଜୁନ୍ ୧ ତାରିଖରେ ଦାଦା ସାହେବ ଫାଲକେ ଏକାଡେମୀ ଆୱାର୍ଡରେ ସମ୍ମାନିତ କରାଯିବ। ସାରା ବିଶ୍ୱରେ ଭାରତର ନାଁ ଉଜ୍ଜଳ କରିବା ସହ ଅନ୍ତର୍ଜାତୀୟ ସ୍ତରରେ ଭଲ ପ୍ରଦର୍ଶନ କରିଥିବାରୁ ପ୍ରିୟଙ୍କାକୁ ଏହି ଆୱାର୍ଡ ଦିଆଯିବା ପାଇଁ ଏକାଡେମୀ ଆୱାର୍ଡ ଟିମ୍ ନିଷ୍ପତ୍ତି ନେଇଛି । ଏହାସହିତ ତାଙ୍କ ମା’ ମଧୁ ଚୋପ୍ରାଙ୍କୁ ମରାଠୀ ଫିଲ୍ମ ‘ଭେଣ୍ଟିଲେଟର’ ପାଇଁ ସମ୍ମାନିତ କରାଯିବ।
ଚଳିତ ବର୍ଷ ଅନ୍ତର୍ଜାତୀୟ କ୍ଷେତ୍ରରେ ଭଲ ପ୍ରଦର୍ଶନ କରିଥିବା ଅଭିନେତା କିମ୍ୱା ଅଭିନେତ୍ରୀଙ୍କୁ ଏହି ଆୱାର୍ଡ ଦିଆଯିବା ପାଇଁ ଏକ ନୂଆ ତାଲିକା ପ୍ରସ୍ତୁତ କରାଯାଇଛି। ‘ଭେଣ୍ଟିଲେଟର୍’ ଫିଲ୍ମ ନ୍ୟାସନାଲ୍ ଆୱାର୍ଡରେ ସମ୍ମାନିତ ହୋଇ ସାରିଛି। ମଧୁ ଚୋପ୍ରା ଏହି ଫିଲ୍ମର ନିର୍ମାତା।
ସୂଚନାଯୋଗ୍ୟ, ଦାଦା ସାହେବ ଫାଲକେ ଏକାଡେମୀ ଆୱାର୍ଡ ହେଉଛି ମୁମ୍ୱାଇର ଏକ ଲୋକାଲ ଆୱାର୍ଡ।
ସୌଜନ୍ୟ- ଆଜ୍ତକ୍
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
