ବୟଫ୍ରେଣ୍ଡଙ୍କ ହାତ ଧରି ପ୍ରିୟଙ୍କା ପହଞ୍ଚିଲେ ଅମ୍ବାନୀ ହାଉସ୍‌: ଭିଡିଓ ଭାଇରାଲ୍‌

ମୁମ୍ବାଇ: ବଲିଉଡ୍‌ ବିୟୁଟି ପ୍ରିୟଙ୍କା ଚୋପ୍ରା ଗତକାଲି ମୁକେଶ ଅମ୍ବାନୀଙ୍କ ପୁଅ ଆକାଶ ଅମ୍ବାନୀଙ୍କ ପ୍ରି-ଏନ୍‌ଗେଜ୍‌ମେଣ୍ଟ ପାର୍ଟିରେ ପହଞ୍ଚିଥିଲେ। ସାଙ୍ଗରେ ବୟଫ୍ରେଣ୍ଡ ନିକ୍‌ ଜୋନ୍‌ସ ମଧ୍ୟ ଥିଲେ। ଏକ ଲାଲ୍‌ ରଙ୍ଗର ଶାଢ଼ି ପିନ୍ଧି ପ୍ରିୟଙ୍କା ଖୁବ୍‌ ସୁନ୍ଦର ଲାଗୁଥିଲେ। ପ୍ରିୟଙ୍କା ଏବଂ ନିକ୍‌ ଗଣମାଧ୍ୟମ ପ୍ରତିନିଧିଙ୍କ ସାମ୍ନାରେ କ୍ଲୋଜ୍‌ ପୋଜ୍‌ ମଧ୍ୟ ଦେଇଥିଲେ। ଏହାର ଭିଡିଓ ଏବେ ସୋସିଆଲ୍‌ ମିଡିଆରେ ଭାଇରାଲ ହେବାରେ ଲାଗିଛି।

ଭିଡିଓରେ ଦେଖିବାକୁ ମିଳୁଛି ଯେ, ପ୍ରିୟଙ୍କା ଏବଂ ନିକ୍‌ ଗୋଟିଏ କାରରେ ଅମ୍ବାନୀ ହାଉସ୍‌ରେ ପହଞ୍ଚିଥିଲେ। ପ୍ରିୟଙ୍କା କାରର ଡାହାଣ ପଟ ଡୋର ଏବଂ ନିକ୍‌ ବାମ ପଟ ଡୋର ଖୋଲି ବାହାରିଲେ। ଏହାପରେ ପ୍ରୟଙ୍କା ନିକ୍‌ଙ୍କ ହାତ ଧରି ଫଟୋଗ୍ରାଫରଙ୍କ ପାଖକୁ ଯିବାକୁ ନିକ୍‌ଙ୍କୁ ଠାରିଲେ। ଉଭୟ ମିଡିଆ ସାମ୍ନାକୁ ଆସି ଅତି ପାଖାପାଖି ଠିଆ ହୋଇ ପୋଜ୍‌ ଦେଲେ।

ଜଣାଇଦେଉଛୁ ଯେ, ପ୍ରିୟଙ୍କା ଚୋପ୍ରା ଏବଂ ନିକ୍‌ ଜୋନ୍‌ସଙ୍କ ରିଲେସନ୍‌ସିପ୍‌ ଖବର ଗତ କିଛି ଦିନ ହେବ ଚର୍ଚ୍ଚାର ବିଷୟ ପାଲଟିଛି। ପ୍ରିୟଙ୍କା ନିକ୍‌ଙ୍କୁ ତାଙ୍କ ମାଆଙ୍କ ସହ ମଧ୍ୟ ଭେଟ କରାଇଛନ୍ତି। ନିକ୍‌ ପ୍ରିୟଙ୍କାଙ୍କ ପରିବାର ସହ ଡିନର୍‌ ଡେଟ୍‌ରେ ମଧ୍ୟ ଯାଇଥିଲେ। ଏବେ ସେ ପ୍ରିୟଙ୍କାଙ୍କ ସହ ଗୋଆରେ ଛୁଟି କାଟୁଛନ୍ତି।

ଭିଡିଓ ସୌଜନ୍ୟ-Bollywood spy hindi