ଚେନ୍ନାଇ (ଓଡ଼ିଶା ରିପୋର୍ଟର): ବାହୁବଳୀ ସିରିଜ୍ର ସଫଳତା ପରେ ନୂଆ ପ୍ରକଳ୍ପ ପାଇଁ ଅଣ୍ଟା ଭିଡ଼ିଲେଣି ସଫଳ ଫିଳ୍ମ ନିର୍ମାତା ଏସ୍ ରାଜାମୌଲି। ବର୍ତ୍ତମାନ ଚର୍ଚ୍ଚା ହେଉଥିବା ତାଙ୍କର ନୂତନ ଫିଲ୍ମର ଶୀର୍ଷକ ଟ୍ରିପଲ୍ ଆର୍ ବା ‘ଆର୍ଆର୍ଆର୍’ ରହିବା ପ୍ରାୟ ନିଶ୍ଚିତ ହୋଇସାରିଛି।
ଏହି ଫିଲ୍ମ ୨୦୧୮ ମସିହା ଡିସେମ୍ବରରୁ ଆରମ୍ଭ ହେବାକୁ ଥିବାବେଳେ ଏଥିରେ କେଉଁ ଷ୍ଟାର ଅଭିନେତା ରହିବେ ତାହା ଜାଣିଲେ ଆପଣ ଆଶ୍ଚର୍ଯ୍ୟ ହେବେ। କାରଣ ଏଥିରେ 'ବାହୁବଳୀ'ର ବଡ଼ବଡ଼ ଷ୍ଟାର ନାହାନ୍ତି।
ଏହି ଦାମୀ ନୂଆ ଫିଲ୍ମରେ ରାଜାମୌଲି ତେଲୁଗୁ ସୁପରଷ୍ଟାର୍ ଜୁନିୟର୍ ଏନ୍ଟିଆର୍ ଏବଂ ରାମଚରଣଙ୍କୁ ମୁଖ୍ୟ ଚରିତ୍ର ଭାବେ ନେଇଛନ୍ତି। ଏଥିପାଇଁ ଆୟୋଜିତ ଏକ ସ୍ୱତନ୍ତ୍ର କର୍ମଶାଳାରେ ଉଭୟ ଯୋଗଦେଇଛନ୍ତି, ଯାହାକି ନିଜେ ରାଜାମୌଲି ଏବଂ ଅନ୍ୟ କିଛି ଟେକ୍ନିସିଆନ୍ ନିରୀକ୍ଷଣ କରୁଛନ୍ତି।
୩୦୦ କୋଟି ଟଙ୍କା ବଜେଟ୍ର ‘ଆର୍ଆର୍ଆର୍’ ୨୦୨୦ ମସିହା ବେଳକୁ ଥିଏଟରକୁ ଆସିବାର ସମ୍ଭାବନା ରହିଛି। ବର୍ତ୍ତମାନ ଅନ୍ୟ ଚରିତ୍ରଗୁଡ଼ିକ ପାଇଁ ଅଭିନେତା ଏବଂ ଅଭିନେତ୍ରୀ ମାନଙ୍କୁ ବଛାଯିବା ଆରମ୍ଭ ହୋଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
