ଚୁଲ୍‌ବୁଲ୍‌ ପାଣ୍ଡେଙ୍କ ପୂର୍ବରୁ ପରଦାକୁ ଆସିବେ ଆଇପିଏସ୍ ଶିବାନୀ ରୟ

ମୁମ୍ବାଇ: ଚଳିତ ବର୍ଷ ୟଶରାଜ୍‌ ବ୍ୟାନର୍‌ର ପ୍ରଥମ ଫିଲ୍ମ ‘ୱାର୍‌’  ଅକ୍ଟୋବର ୨ ତାରିଖରେ ରିଲିଜ୍ ହେବାକୁ ଥିବା ବେଳେ ଏହାର ଦ୍ୱିତୀୟ ଫିଲ୍ମର ରିଲିଜ୍ ତାରିଖ ବି ଘୋଷଣା କରି ଦିଆଯାଇଛି। ଏହି ବ୍ୟାନର୍‌ରେ ନିର୍ମିତ ସୁପର୍‌ହିଟ୍‌ ଫିଲ୍ମ ‘ମର୍ଦାନୀ’ର ସିକ୍ୱେଲ୍ ‘ମର୍ଦାନୀ-୨’ ଡିସେମ୍ବର ୧୩ ତାରିଖରେ ରିଲିଜ୍ ହେବ। ସଲମାନ୍‌ଙ୍କ ଫିଲ୍ମ ‘ଦବଙ୍ଗ-୩’ର ଠିକ୍‌ ସପ୍ତାହେ ପୂର୍ବରୁ ଏହା ରିଲିଜ୍‌ ହେବ। ଏଥିରେ ମୁଖ୍ୟ ଭୂମିକାରେ ଅଭିନୟ କରିଛନ୍ତି ରାନୀ ମୁଖାର୍ଜୀ।

ବଲିଉଡ୍‌ରେ ନିଜର ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରିବାରେ ସଫଳ ହୋଇଥିବା ରାନୀଙ୍କର ଏହା ପୂର୍ବରୁ ‘ମର୍ଦାନୀ’  ଓ ‘ହିଚ୍‌କି’ ଫିଲ୍ମ ରିଲିଜ୍ ହୋଇଥିଲା। ବକ୍ସ ଅଫିସ୍‌ରେ ଉଭୟ ଫିଲ୍ମ ଭଲ ପ୍ରଦର୍ଶନ କରିଥିବା ବେଳେ ‘ମର୍ଦାନୀ ୨’ ବି ଦର୍ଶକଙ୍କୁ ପସନ୍ଦ ଆସିବ ବୋଲି ସେ ଆଶା ରଖିଛନ୍ତି।

‘ମର୍ଦାନୀ’ରେ ରାନୀ ସିନିଅର ଇନ୍ସପେକ୍ଟର ଭୂମିକାରେ ଅଭିନୟ କରିଥିବା ବେଳେ ‘ମର୍ଦାନୀ ୨’ରେ ଆଇପିଏସ୍‌ ଭୂମିକାରେ ଅଭିନୟ କରିଛନ୍ତି। ତେବେ ‘ମର୍ଦାନୀ ୨’ରେ ବି ତାଙ୍କ ନାଁ ଶିବାନୀ ଶିବାଜୀ ରୟ ରହିଛି। ଏହି ଫିଲ୍ମରେ ରାନୀଙ୍କର ଜଣେ ୨୧ ବର୍ଷୀୟ ଦୁର୍ଦ୍ଦାନ୍ତ ଅପରାଧୀ ସହ ମୁକାବିଲା ହେବ। ଫିଲ୍ମର ନିର୍ଦ୍ଦେଶନା ଦେଇଛନ୍ତି ଗୋପି ପୁଥ୍ରାନ୍‌। ସେ ଫିଲ୍ମର କାହାଣୀ ବି ଲେଖିଛନ୍ତି। ‘ମର୍ଦାନୀ’ର କାହାଣୀ ବି ସେ ଲେଖିଥିଲେ। ଫିଲ୍ମର ଅଧିକାଂଶ ଶୁଟିଂ ମୁମ୍ବାଇରେ ହୋଇଛି। ଏହା ସହିତ ଜୟପୁର ଓ ରାଜସ୍ଥାନର ଅନେକ ଭିତିରି ଅଞ୍ଚଳରେ ଏହି ଫିଲ୍ମର ଶୁଟିଂ ହୋଇଛି।

ଏହା ପୂର୍ବରୁ ରାନୀଙ୍କ ଫିଲ୍ମ ‘ହିଚ୍‌କି’ ରିଲିଜ୍‌ ହୋଇଥିଲା। ଏହା ଭାରତ ଓ ଅନ୍ୟ ଦେଶରେ ମିଶାଇ ପାଖାପାଖି୨୫୦ କୋଟି ଟଙ୍କା ଆୟ କରିଥିଲା।

ଆହୁରି ପଢ଼ନ୍ତୁ

କରୋନାରୁ ଠିକ୍‌ ହେବା ପରେ କିଡ୍‌ନୀ ଦାନ କରି ଅନ୍ୟର ଜୀବନ ବଞ୍ଚାଇଲେ

ଫାଟିଲା ସିଲିଣ୍ଡର; ଆଖି ବୁଜିଲେ ତିନି, ୧୬ ଗୁରୁତର

ମଦ୍ରାସା ଆତଙ୍କବାଦୀଙ୍କ କାରଖାନା କହି ଅଡୁଆରେ ଶିବରାଜ ସିଂହଙ୍କ ମନ୍ତ୍ରୀ

ତେଜସ୍ୱୀ ଯାଦବଙ୍କ ଉପରକୁ କିଏ ଫିଙ୍ଗିଲା ଚପଲ?

‘କଂଗ୍ରେସ କମଲନାଥଙ୍କୁ ବହିଷ୍କାର କରିବା ଦରକାର’

କେନ୍ଦ୍ରର କୃଷି ଆଇନକୁ କାଉଣ୍ଟର ପାଇଁ ବିଲ୍‌ ପାସ, ଏମଏସପି ନିୟମ ଭାଙ୍ଗିଲେ ଜେଲ

ବିହାର ନିର୍ବାଚନ ପୂର୍ବରୁ ଜନମତ ସର୍ଭେ: ନୀତୀଶ କୁମାରଙ୍କ ତୁଳନାରେ ମୋଦି ଅଧିକ ଲୋକ ପ୍ରିୟ

ଟିଆରପି ସ୍କାମ: ୟୁପିର ଏଫଆଇଆର ଆଧାରରେ ସିବିଆଇ ରୁଜୁ କଲା ମାମଲା

ପୁଲୱାମାରେ ଗଡ଼ିଲା ୨ ଆତଙ୍କୀଙ୍କ ମୁଣ୍ଡ

ଭାରତୀୟ ସୀମାରୁ ଧରା ପଡ଼ିଲା ପାକିସ୍ତାନୀ ଅନୁପ୍ରବେଶକାରୀ

ରାହୁଲ ଗାନ୍ଧିଙ୍କ ଅସନ୍ତୋଷ ସତ୍ତ୍ୱେ ‘ଆଇଟମ୍‌’ ବୟାନ ପାଇଁ କ୍ଷମା ମାଗିବାକୁ ମନାକଲେ କମଲନାଥ

ଲଦାଖରୁ ଧରା ପଡ଼ିଥିବା ଚାଇନିଜ୍‌ ଯବାନଙ୍କୁ ଏବେ ଛାଡ଼ିବନି ଭାରତ