ଅଭିନୟ ନ ଜାଣି ଅଧିକ ପାରିଶ୍ରମିକ ମାଗିବା ଠିକ୍‌ ନୁହଁ: ରାଣୀ ମୁଖାର୍ଜୀ

ମୁମ୍ବାଇ: ବଲିଉଡ୍‌ ସବୁବେଳେ କିଛି ନା କିଛି କାରଣରୁ ଚର୍ଚ୍ଚାରେ ଥାଏ। ଏଠି ଅନେକ କାହାଣୀ। ଶୁଣିବାକୁ ମିଳେ କଳକାରମାନଙ୍କୁ ଏଠାରେ ନିଜର ପ୍ରକୃତ ପାରିଶ୍ରମିକ ଦେବାରେ ଅବହେଳା କରାଯାଏ। ନିକଟରେ ଏହି ବିଷୟରେ ଅଭିନେତ୍ରୀ ରାଣୀ ମୁଖାର୍ଜୀଙ୍କୁ ପଚରାଯାଇଥିଲା। ତେବେ ଚାଲନ୍ତୁ ଜାଣିବା ସେ କ’ଣ କହିଛନ୍ତି।

rani-mukerjiରାଣୀଙ୍କ କହିବା ଅନୁସାରେ ଆଜିକାଲି ଇଣ୍ଡଷ୍ଟ୍ରି ଏମିତି ହୋଇଗଲାଣି ଅଭିନୟ ଆସୁ କି ନଆସୁ ନିଜ ଦକ୍ଷତା ଠାରୁ ଅଧିକ ଟଙ୍କା ଡିମାଣ୍ଡ କରୁଛନ୍ତି ବହୁ କଳାକାର। ଅଭିନୟ ଠାରୁ ଏମାନେ ଟଙ୍କା ଉପରେ ଅଧିକ ଗୁରୁତ୍ୱ ଦେଉଛନ୍ତି। ବାସ୍ତବରେ ଏମିତି କରିବା ଉଚିତ ନୁହେଁ। ନିଜ କ୍ଷେତ୍ରରେ ସବୁବେଳେ ଭଲ ପ୍ରଦର୍ଶନ କରିବା ଆବଶ୍ୟକ। ଟଙ୍କା ଆପେ ଆସିଯିବ।

ରାଣୀ କହିଥିଲେ, ‘‘ମୁଁ ଟଙ୍କା ପାଇଁ ଇଣ୍ଡଷ୍ଟ୍ରିକୁ ଆସି ନଥିଲି। ମୁଁ ଖୁସି ରହିବାକୁ ଚାହୁଁଥିଲି। ସେଥିପାଇଁ ଇଣ୍ଡଷ୍ଟ୍ରି ଏକ ମାଧ୍ୟମ ଥିଲା।’’

ରାଣୀ ଏବେ ନିଜ ଆଗାମୀ ଫିଲ୍ମ ‘ହିଚ୍‌କି’ର ପ୍ରମୋସନରେ ବ୍ୟସ୍ତ ଅଛନ୍ତି।