ମୁମ୍ବାଇ: ସମସ୍ତ ଭାରତୀୟ ଫିଲ୍ମ ନିର୍ମାତାଙ୍କ ଇଚ୍ଛା ‘ମହାଭାରତ’ ନିର୍ମାଣ କରିବା। ହେଲେ ଏପରି ସୌଭାଗ୍ୟ ସମସ୍ତଙ୍କୁ ମିଳି ନ ଥାଏ। ଶାହାରୁଖ ଖାନ୍, ଅମୀର ଖାନ୍ ଓ ଫିଲ୍ମ ନିର୍ଦ୍ଦେଶକ ଏସ୍.ଏସ୍ରାଜାମୌଲି ‘ମହାଭାରତ’ କରିବାକୁ ଇଚ୍ଛା ଜାହିର କରିଛନ୍ତି। ହେଲେ ଏହାକୁ ବାସ୍ତବରେ ପରିଣତ କରିବାକୁ ଯାଉଛନ୍ତି ମଲାୟଲମ ସୁପରଷ୍ଟାର ମୋହନଲାଲ। ଏହି ଫିଲ୍ମଟି ‘ଭୀମ’ଙ୍କୁ ନେଇ ଆଧାରିତ ହେବ।
ସୋମବାର ମୋହନଲାଲ ଏନେଇ ବିଧିବଦ୍ଧ ଘୋଷଣା କରିଛନ୍ତି। ବଡ କଥା ହେଲା ଫିଲ୍ମଟି ୧୦୦୦ କୋଟି ଟଙ୍କାର ବଜେଟରେ ନିର୍ମାଣ କରାଯିବ। ବଜେଟ୍ରେ ଏହା ଏସିଆର ବ୍ୟୟବହୁଳ ଫିଲ୍ମ ‘୨.୦’ ଓ ‘ବାହୁବଲୀ’କୁ ମଧ୍ୟ ପଛରେ ପକାଇ ଦେବ।
ମୋହନଲାଲ ଫେସ୍ବୁକରେ ଏକ ଭିଡ଼ିଓକୁ ପୋଷ୍ଟ କରିବା ସହ କ୍ୟାପସ୍ନ ଲେଖିଛନ୍ତି। ଏଥିର ସେ ଉଲ୍ଲେଖ କରିଛନ୍ତି, “ମୋର ମନେ ନାହିଁ ମୁଁ କେତେଥର ‘ରନ୍ଦାମୁଜହମ’ ପଢ଼ିଛି। ମୁଁ ସବୁବେଳେ ଏହାକୁ ବଡ଼ ପରଦାରେ ଆଣିବାକୁ ଚାହୁଁଥିଲି।”
ଏହି ଫିଲ୍ମ ୨ଟି ଭାଗରେ ପରଦାକୁ ଆସିବ। ଏହାର ସୁଟିଂ ୨୦୧୮ରେ ଆରମ୍ଭ ହେବ। ପ୍ରଥମ ଭାଗ ୨୦୨୦ରେ ପରଦାକୁ ଆସିବ ବୋଲି ମୋହନଲାଲ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
