ମୁମ୍ବାଇ: ସୈଫ୍ ଅଲ୍ଲୀ ଖାନ୍ଙ୍କ ଝିଅ ସାରା ଅଲ୍ଲୀ ଖାନ୍ ଫିଲ୍ମ ‘କେଦାରନାଥ’ରୁ ବଲିଉଡ୍ରେ ଡେବ୍ୟୁ କରିବାକୁ ଯାଉଛନ୍ତି। ତାଙ୍କ ବିଷୟରେ ଏକ ଖାସ୍ କଥା ସାମ୍ନାକୁ ଆସିଛି। ସେ କେଦାରନାଥରେ ଅଭିନୟ କରିବା ପୂର୍ବରୁ ୭ଟି ଫିଲ୍ମରେ ଅଭିନୟ କରିବାକୁ ମନା କରିଥିଲେ। ଏହାର କାରଣ ହେଉଛି, ଷ୍ଟାର ଇମେଜ୍। ନିଜ ପ୍ରଥମ ଫିଲ୍ମରୁ ହିଁ ଷ୍ଟାର ଇମେଜ୍ ବନେଇବାର ନିଶା ତାଙ୍କ ମୁଣ୍ଡରେ ଚଢି ଗଲାଣି।
ସେ କହିଛନ୍ତି ଯେ, ସେ କେବଳ ଲୋକପ୍ରିୟ ଓ ହିଟ୍ ଷ୍ଟାରଙ୍କ ସହ କାମ କରିବେ। ସେ ଇଣ୍ଡଷ୍ଟ୍ରିରେ ଏବେ ନୂଆ। ତେଣୁ ସେ କେଉଁ ନୂଆ ଅଭିନେତାଙ୍କ ସହ କାମ କରି ଫ୍ଲପ୍ ହେବାକୁ ଚାହୁଁ ନାହାଁନ୍ତି। ଖବର ମୁତାବିକ୍ ସାରା, ଆଲିଆ ଭଟ୍ଟଙ୍କ ପଦାଙ୍ଗ ଅନୁସରଣ କରିବାକୁ ଚାହୁଁଛନ୍ତି।
ସୈଫ୍ଙ୍କ ଝିଅ ସାରା ଓ ତାଙ୍କ ପୂର୍ବତମ ପତ୍ନୀ ଅମୃତା ‘କେଦାରନାଥ’ରେ ଅଭିନୟ କରିବେ। ଫିଲ୍ମଟି ଆସନ୍ତାବର୍ଷ ଜୁନ୍ରେ ରିଲିଜ ହେବ। ଫିଲ୍ମର ପ୍ରଥମ ପୋଷ୍ଟରକୁ କିଛିଦିନ ପୂର୍ବରୁ ରିଲିଜ୍ କରାଯାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
