’ସିକ୍ରେଟ୍ ଏଜେଣ୍ଟ୍’ ଲିସା

ମୁମ୍ବାଇ: ଗ୍ଲାମର କୁଇନ୍ ତଥା ବଲିଉଡ୍ ଅଭିନେତ୍ରୀ ଲିସା ରାୟଙ୍କୁ ଦେଖିବାକୁ ମିଳିବ ଏକ ଭିନ୍ନ ଅବତାରରେ। ଫିଲ୍ମ ’ଇସ୍କ ଫରଏଭର’ରେ ଜଣେ ସିକ୍ରେଟ୍ ଏଜେଣ୍ଟ ଭାବେ ରୋଲ ପ୍ଲେ କରିଛନ୍ତି ଲିସା। ସେ ଏହି ଚରିତ୍ରକୁ ନେଇ ବେଶ ଏକ୍ସସାଇଟେଡ୍ ଅଛନ୍ତି। କାରଣ ତାଙ୍କୁ କରିବାକୁ ପଡ଼ିଛି ଅନେକ ଷ୍ଟଣ୍ଟ। ସେଇଥି ପାଇଁ ତାଙ୍କୁ କିଛି ମାସ ନେବାକୁ ପଡ଼ିଛି କଡ଼ା ତାଲିମ। ମାଷ୍ଟର ସିଫୁଜିଙ୍କ ପାଖରେ ଚାଲିଛି ତାଙ୍କର ତାଲିମ୍। ନୂଆ ଧରଣର ଷ୍ଟଣ୍ଟସ୍ ସାଙ୍ଗକୁ ଲିସା ନିଜ ଆକଟିଂକୁ ନେଇ ବେଶ ଆଶାବାଦୀ ଅଛନ୍ତି। ଚଳିତ ବର୍ଷ ନଭେମ୍ବରରେ ରିଲିଜ ହେବାକୁ ଥିବା ଏହି ଫିଲ୍ମ ଦେଶବିଦେଶରେ ସୁଟିଂ ହେବା ସହ କେପଟାଉନ୍ ଓ ଦକ୍ଷିଣ ଆଫ୍ରିକାର ଲୋକେସନକୁ ବେଶୀ ଗୁରୁତ୍ବ ଦିଆଯାଇଛି। ଏହି ଫିଲ୍ମର ପ୍ରଯୋଜନା ଭାର ଅଜୟ ଶାହ, ହାରି ଗାନ୍ଧୀ ଓ ସବୀର ବକ୍ସୱାଲା ସମ୍ଭାଳିଛନ୍ତି। ଫିଲ୍ମଟିର ନିର୍ଦ୍ଦେଶନା ଦେଉଛନ୍ତି ସଞ୍ଜୟ ଡାଏମା।