ସ୍କ୍ରିପ୍ଟ ଫିଙ୍ଗି ସୁଟିଂ ସେଟ୍‌ ଛାଡିଲେ ସିଦ୍ଧାନ୍ତ: ଗୋଇଠା ମାରି ଅଭଦ୍ରାମୀ କଲେ ଜ୍ୟୋତି! ଦେଖନ୍ତୁ ଭିଡିଓ

<p>ଭୁବନେଶ୍ୱର(ଓଡିଶା ରିପୋର୍ଟର): ଆଗକୁ ଆସୁଛି ଫିଲ୍ମ &#039;ଓଲେ ଓଲେ ଦିଲ୍ ବୋଲେ&#039;। ଯାହାର ସୁଟିଂ ଏବେ ଜୋରସର୍&zwnj;ରେ ଚାଲିଛି। ଫିଲ୍ମରେ ମୁଖ୍ୟ ଭୂମିକାରେ ଅଛନ୍ତି ଅଭିନେତା ଜ୍ୟୋତି ଓ ଅଭିନେତ୍ରୀ ଝିଲିକ୍&zwnj;। ଏଥିରେ ଏକ ଭିନ୍ନ ଚରିତ୍ରରେ ନଜର ଆସୁଛନ୍ତି ସିଦ୍ଧାନ୍ତ ମହାପାତ୍ର। ଏସବୁ ଖବର ତ ପୂର୍ବରୁ ମିଳିଥିଲା। ଏବେ କିନ୍ତୁ ଆଉ ଏକ ଘଟଣା ଘଟିଛି। ସୁଟିଂ ସେଟ୍&zwnj;ରେ ଏମିତି ଏକ ଘଟଣା ଘଟିଛି ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରି ରଖିଦେଇଛି।</p><p>ସୁଟିଂ ଚାଲିଥିଲା ଜ୍ୟୋତି ଏବଂ ସିଦ୍ଧାନ୍ତଙ୍କର। ସ୍କ୍ରିପ୍ଟ ପଢୁଥିଲେ ସିଦ୍ଧାନ୍ତ। ହଠାତ୍&zwnj; ଜ୍ୟୋତି ଆସି ତାଙ୍କୁ ଗୋଇଠା ମାରି କହିଲେ &#039;ସଟ୍&zwnj; ଦେବା ଆସ&#039;। ଯେଉଁଟା ସିଦ୍ଧାନ୍ତଙ୍କୁ ଆଦୌ ପସନ୍ଦ ଆସିଲା ନାହିଁ। ସିଦ୍ଧାନ୍ତ କ&#039;ଣ ଯେ କେହିବି ତାଙ୍କ ଜାଗାରେ ଥିଲେ ତାଙ୍କୁ ଭଲ ଲାଗି ନଥାନ୍ତା। ଯେହେତୁ ସେ ଓଲିଉଡ୍&zwnj;ର ଜଣେ ଆଗ ଧାଡିର ନାୟକ ଓ ଜଣେ ସିନିୟର ଆକ୍ଟର ତାଙ୍କ ସହ କଥାବାର୍ତ୍ତା କରିବା ସମୟରେ କିଛି ଭଦ୍ରାମୀ ରକ୍ଷା କରିବା ଉଚିତ। ଜ୍ୟୋତିଙ୍କର ଏମିତି ବ୍ୟବହାରକୁ ସିଦ୍ଧାନ୍ତ ଆଦୌ ସହ୍ୟ କରିପାରିନଥିଲେ। ଜ୍ୟୋତିଙ୍କୁ ସେ ପାଟି କରିବା ଆରମ୍ଭ କଲେ। କିନ୍ତୁ ଜ୍ୟୋତି ନିଜ ଭୁଲ୍ ମାନିବାକୁ ନାରାଜ ଥିଲେ। ସେ କହିବା କଥା &#039;ସିଦ୍ଧାନ୍ତ ତାଙ୍କୁ ତାଙ୍କ ଚରିତ୍ରରେ ରହିବା ପାଇଁ କହୁଥିଲେ। ତେଣୁ ସେ ତାଙ୍କ ଚରିତ୍ରରେ ରହି କଥାବାର୍ତ୍ତା କରୁଥିଲେ&#039;। ଫିଲ୍ମରେ ସିଦ୍ଧାନ୍ତ ଜ୍ୟୋତିଙ୍କର ଘରୋଇ ସହାୟକ ଭୂମିକାରେ ଅଭିନୟ କରୁଛନ୍ତି।</p><p>ଏହାପରେ ଆରମ୍ଭ ହୋଇଯାଏ ସିଦ୍ଧାନ୍ତ ଓ ଜ୍ୟୋତିଙ୍କ ମଧ୍ୟରେ କଥା କଟାକଟି। ଜ୍ୟୋତି ତାଙ୍କ ଭୁଲ୍&zwnj; ନବୁଝିବାରୁ ସିଦ୍ଧାନ୍ତ ରାଗିଯାଇ ଫିଲ୍ମର ନିର୍ଦ୍ଦେଶକ କୈଳାସଙ୍କୁ ଡାକିଥିଲେ। ସେ ଆସି ଜ୍ୟୋତିଙ୍କୁ ଭୁଲ୍&zwnj; ମାଗିବା ପାଇଁ କୁହନ୍ତି। ତଥାପି ଜ୍ୟୋତି ତାଙ୍କ ଭୁଲ୍&zwnj; ମାଗିବାକୁ ନାରାଜ। ଏସବୁ ଦେଖି ସିଦ୍ଧାନ୍ତଙ୍କ ରାଗ ଆହୁରି ବଢିବାରେ ଲାଗେ ଓ ସେ ସ୍କ୍ରିପ୍ଟ ଫିଙ୍ଗି ସେ ଜାଗା ଛାଡି ଚାଲିଯାଆନ୍ତି। ସଟ୍&zwnj; ପାଇଁ ପ୍ରସ୍ତୁତ ହେଉଥିବା ଝିଲିକ୍&zwnj; ଘଟଣାସ୍ଥଳରେ ପହଞ୍ଚି ଜ୍ୟୋତିଙ୍କୁ ଭୁଲ୍&zwnj; ମାଗିବା ପାଇଁ କୁହନ୍ତି। ହେଲେ ଜ୍ୟୋତି ତାଙ୍କ କଥାବି ଶୁଣିନଥିଲେ। ଭୁଲ୍&zwnj; ମାଗି ନଥିଲେ। କିଛି ସମୟ ପରେ ସିଦ୍ଧାନ୍ତ ଆସି &#039;ଛାଡ ମୋର ହିଁ ସବୁ ଭୁଲ୍&zwnj;&#039; କହିଥିଲେ। ଏହାର କିଛି ସମୟ ପରେ ସିଦ୍ଧାନ୍ତ ଓ ଜ୍ୟୋତି ହସିବାରେ ଲାଗିଥିଲେ। ଏସବୁ ଦେଖି ଝିଲିକ୍&zwnj; ପୂରା କନ୍&zwnj;ଫ୍ୟୁଜ୍&zwnj; ହୋଇଯାଇଥିଲେ। ଝଗଡା ମାହୋଲରେ ଏ ହସ ପୁଣି କଣ? ଆପଣ ବି କିଛି ବୁଝି ପାରୁନାହାଁନ୍ତି ନା? କଥା କ&#039;ଣ କି ଏଥିଲା ପ୍ରାଙ୍କ ଭିଡିଓ। ଅର୍ଥାତ୍ ଝିଲିକ୍&zwnj;ଙ୍କୁ ବୋକା ବନାଇବା ପାଇଁ ଏସବୁ ଥିଲା ଏକ ଡ୍ରାମା। ଯାହାକୁ ଦେଖି&nbsp; ଝିଲିକ୍&zwnj; ପୂରା ଡରି ଯାଇଥିଲେ। &nbsp;(ଦେଖନ୍ତୁ ଭିଡିଓ)</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।