ଲକ୍ଷ୍ନୌ: ମହାମାରୀ କରୋନା ଭାଇରସରେ ଆକ୍ରାନ୍ତ ହୋଇ ସୁସ୍ଥ ହୋଇଥିବା ବଲିଉଡ ସିଙ୍ଗର ଏବେ ଅନ୍ୟମାନଙ୍କୁ ସହଯୋଗ କରିବାକୁ ଆଗେଇ ଆସିଛନ୍ତି। କରୋନା ରୋଗୀଙ୍କ ପାଇଁ ପ୍ଲାଜମା ଥେରାପି କାମ କରୁଥିବାରୁ କନିକା ନିଜର ପ୍ଲାଜମା ଦେବାକୁ ଘୋଷଣା କରିଛନ୍ତି।
ଏଥିପାଇଁ ସେ କିଙ୍ଗ ଜର୍ଜ ମେଡିକାଲ ବିଶ୍ୱବିଦ୍ୟାଳୟକୁ ମଧ୍ୟ ଜଣାଇ ଦେଇଛନ୍ତି। ଲଣ୍ଡନରୁ ଫେରିଥିବା କନିକା କରୋନାରେ ଆକ୍ରାନ୍ତ ଥିବା ଜଣାପଡ଼ିବା ପରେ ତାଙ୍କୁ ଚିକିତ୍ସା ଯୋଗାଇ ଦିଆଯାଇଥିଲା। ଏପ୍ରିଲ ୬ରେ ସେ କରୋନା ରୋଗରୁ ମୁକ୍ତି ପାଇଥିଲେ।
ନିକଟରେ ଦିଲ୍ଲୀର କିଛି ରୋଗୀଙ୍କୁ ପ୍ଲାଜମା ଥେରାପି କରାଯାଇଥିଲା। ସେମାନେ ସୁସ୍ଥ ହେବାରୁ ଦେଶର ବିଭିନ୍ନ ରାଜ୍ୟ ପ୍ଲାଜମା ଥେରାପି କରିବାକୁ ପ୍ରକ୍ରିୟା ଆରମ୍ଭ କରିଛନ୍ତି।
ଏଥିପାଇଁ ରାଜ୍ୟ ସରକାରମାନେ କରୋନାରୁ ଆରୋଗ୍ୟ ହୋଇଥିବା ଲୋକଙ୍କୁ ପ୍ଲାଜମା ଦାନ କରିବାକୁ ଆହ୍ୱାନ କରିଥିଲେ। ଏହିକ୍ରମରେ କନିକା ପ୍ଲାଜମା ଦାନ କରିବାକୁ ଆଗେଇ ଆସିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
