ଅନୁଷ୍କାଙ୍କ ୨୦ ଟଙ୍କା ଭାଉଚର ପାଇଁ ମ୍ୟାଚ୍‌ ଖେଳିଲେନି ବିରାଟ ! ଶୁଣନ୍ତୁ ଆଉ କିଛି ଖେଳାଳିଙ୍କ ସମ୍ବଲପୁରୀ ଭାଷା

ଭୁବନେଶ୍ୱର:(ଓଡ଼ିଶା ରିପୋର୍ଟର):ଟିମ୍‌ ଇଣ୍ଡିଆ ପ୍ଲେୟାରଙ୍କ ମୁହଁରେ ସମ୍ବଲପୁରୀ ଭାଷା। ନିଦାହାସ ଟ୍ରଫି ଜିତିବାରେ କେମିତି ଅଭିଜ୍ଞତା ଥିଲା , କ’ଣ ଥିଲା ରଣନୀତି ଏମିତି ଅନେକ ପ୍ରଶ୍ନର ଉତ୍ତର ଦେଉଛନ୍ତି  ଭାରତୀୟ ଖେଳାଳି।  ଫାଇନାଲ ମ୍ୟାଚ୍‌ରେ ଚମତ୍କାର ପ୍ରଦର୍ଶନ କରିଥିବା ହାର୍ଦ୍ଦିକ ପାଣ୍ଡିଆ ଏବଂ ଦିନେଶ କାର୍ତ୍ତିକ ମଧ୍ୟ ସମ୍ବଲପୁରୀ ଭାଷାରେ କହୁଛନ୍ତି।

Sandeep Nayak यांनी वर पोस्ट केले सोमवार, १९ मार्च, २०१८

କେବଳ ସେତିକି ନୁହଁ କମେଣ୍ଟେଟର ମଧ୍ୟ ସମ୍ବଲପୁରୀ ଭାଷାରେ ପଚାରୁଚନ୍ତି। ସେହିପରି ନିଦାହାସ ଟ୍ରଫିରେ ବିଶ୍ରାମ ନେଇଥିବା ଟିମ୍‌ ଇଣ୍ଡିଆର ଅଧିନାୟକ ବିରାଟ କୋହଲି କାହିଁକି ଖେଳିଲେନି ସେନେଇ ମଧ୍ୟ ନିଜେ ବିରାଟ ରାଜ୍‌ ଖୋଲିଛନ୍ତି। କହିଛନ୍ତି ଅନୁଷ୍କା ଶର୍ମାଙ୍କ ଲାଗି ୨୦ ଟଙ୍କା ଭାଉଚର ପକାଇବାର ଥିଲା। ସେ ଫୋନ୍ କରିବାରୁ ମୁଁ ଆଉ ମ୍ୟାଚ୍‌ ଖେଳିଲି ନାହିଁ। ଏତେ ସବୁ କୌତୁହଳ କଥା ଶୁଣି ଆପଣ ଆଶ୍ଚର୍ଯ୍ୟ ହୋଇଯାଉଥିବେ। ତାହା ପୁଣି ସ୍ପଷ୍ଟ ସମ୍ବଲପୁରୀ ଭାଷାରେ। ଆଉ ଏହି କଥୋପକଥନ ସୋସିଆଲ ମିଡିଆରେ ଜୋରଦାର ଭାଇରାଲ ହେଉଛି। ଫେସବୁକ୍‌ରେ ୩୪ ହଜାର ସେୟାର ହେଲାଣି। ବିଭିନ୍ନ କମେଣ୍ଟ ସାଙ୍ଗକୁ ସେୟାର ମଧ୍ୟ ବଢୁଛି। ଲୋକେ ଏଥିରେ ମଜା ବି ନେଉଛନ୍ତି।

Sandeep Nayak यांनी वर पोस्ट केले सोमवार, १९ मार्च, २०१८

ସାଧାରଣତଃ ଖେଳାଳିମାନେ ମ୍ୟାଚ୍‌ ବେଳେ ଇଂରାଜୀ କିମ୍ବା ହିନ୍ଦୀରେ କଥା ହୁଅନ୍ତି।  ହେଲେ ଜାତୀୟସ୍ତରରେ ସେମାନେ ଅନ୍ୟ ଆଞ୍ଚଳିକ ଭାଷା କେମିତି କହିପାରୁଛନ୍ତି? ଅବଶ୍ୟ ଉତ୍ତରଟି ସମସ୍ତଙ୍କୁ ଜଣା। ସେମାନେ କୌଣସି ସମ୍ବଲପୁରୀ ଭାଷାରେ କଥା ହେଉନାହାନ୍ତି। ଏସବୁ ଆଜିର ଉନ୍ନତ ବୈଷୟିକ ଜ୍ଞାନ କୌଶଳର କମାଲ। ଲୋକମାନଙ୍କୁ ମନୋରଞ୍ଜନର ଖୋରାକ ଯୋଗାଇବା ପାଇଁ ହେଉ ବା ଡିଜିଟାଲ ମାଧ୍ୟମରେ ଆୟ ହେଉ ଆଜିକାଲି ଏମିତି ଭିଡିଓ ତିଆରି କରିବା ଏକ ଫ୍ୟାସନ୍ ହୋଇଗଲାଣି। କମ୍ପ୍ୟୁଟର ମାଧ୍ୟମରେ ଭାଷାକୁ ଡବିଂ କରି ବିଚିତ୍ର ପ୍ରକାର ଭିଡିଓ ସବୁ ଫେସ୍‌ବୁକ୍‌ ଏବଂ ୟୁ-ଟ୍ୟୁବ୍‌ରେ ସେୟାର ହେଉଛି। ଆଉ ସେ ମଧ୍ୟରେ ଉପରୋକ୍ତ ଭିଡିଓଟି ଅନ୍ୟତମ ମାତ୍ର। ତେବେ ସେ ଯାହା ବି ହେଉ ଏଭଳି ଭିଡିଓ ଦର୍ଶକଙ୍କ ମଧ୍ୟରେ ଖୁବ୍‌ କ୍ରେଜ୍‌ ସୃଷ୍ଟି କରିପାରିଛି।

Sandeep Nayak यांनी वर पोस्ट केले सोमवार, १९ मार्च, २०१८

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।