ମୁମ୍ବାଇ: ‘ମୁଁ ମ୍ୟୁଜିକ ରିୟାଲିଟି ଶୋ’ର ଜେଜେ । ଇଚ୍ଛା ନ ଥାଇ ବି ଅନ୍ୟମାନଙ୍କୁ ପ୍ରଶଂସା କରି କରି ମୁଁ ହାଲିଆ ହୋଇଗଲିଣି। ତେଣୁ ଏବେ ଏହି ସବୁ ଶୋ’ରୁ ଦୂରେଇ ରହିଛି। ’ ଏପରି କହି ପୁଣି ଥରେ ଲାଇମଲାଇଟ୍କୁ ଚାଲି ଆସିଛନ୍ତି ସୋନୁ ନିଗମ ।
ବହୁ ମ୍ୟୁଜିକ ରିଆଲିଟି ସୋ’ର ଜଜ୍ ଆସନରେ ସୋନୁ ନିଗମଙ୍କୁ ଦେଖୁଥିବା ମିଳୁଥିବା ବେଳେ କିଛି ଦିନ ହେବ ସେ କିନ୍ତୁ ଏଥିରୁ ଦୂରେଇ ରହିଛନ୍ତି। ଶେଷ ଥର ପାଇଁ ସୋନୁ ନିଗମ ଇଣ୍ଡିଆନ ଆଇଡଲ-୯ ଶୋ’କୁ ଜଜ୍ କରୁଥିବା ଦେଖିବାକୁ ମିଳିଥିଲା। ହେଲେ ଦୀର୍ଘ ଦିନ ହେବ ସେ ଏହି ସବୁ ଶୋ’ରୁ ଦୂରତା ବନେଇ ରଖିଛନ୍ତି ।
ଏକ ସାକ୍ଷାତକାରରେ ବଲିଉଡର ଆଗଧାଡ଼ିର ସିଙ୍ଗର ସୋନୁ ନିଗମ କହିଛନ୍ତି, ମୁଁ ଏହି ସବୁ ଶୋ’ର ଜେଜେ । ବହୁତ ଶୋ’ରେ ଜଜ୍ ଆସନରେ ବସି ସାରିଛି। ଏବେ ମଧ୍ୟ ଏଥିପାଇଁ ମୋତେ ଆପ୍ରୋଚ କରାଯାଉଥିବା ବେଳେ ମୁଁ ଏଥିପ୍ରତି ଆଉ ଆଗ୍ରହୀ ନାହିଁ।
ସବୁବେଳେ ସମାନ କଥା କହି କହି ମୁଁ ହାଲିଆ ହୋଇଗଲିଣି। ଏପରିକି ଗୀତ ଭଲ ଗାଇ ନ ଥିଲେ ବି ବହୁ ସମୟରେ ପ୍ରତିଯୋଗୀଙ୍କୁ ପ୍ରଶଂସା କରିବାକୁ ପଡ଼ୁଥିବାରୁ ଏହା ମୋ ବିବେକକୁ ବାଧା ଦେଉଛି। ଟଙ୍କା ରୋଜଗାର କରିବା ପାଇଁ ଏପରି କରିବାକୁ ମୁଁ ଠିକ୍ ମନେ କରୁ ନାହିଁ। ତେଣୁ ଏବେ ଏ ପ୍ରକାର ରିୟାଲିଟି ଶୋ’ରୁ ନିଜକୁ ଦୂରେଇ ରଖିଛି।
ସୋନୁ ନିଗମ ଏବେ ଏକ ବଙ୍ଗାଳୀ ମ୍ୟୁଜିକ ରିଆଲିଟି ଶୋ’ ସୁପର ସିଙ୍ଗର ସିଜନ-୩କୁ ଜଜ୍ କରୁଛନ୍ତି। କୁମାର ସାନୁ ଓ କୌଶିକ ଚକ୍ରବର୍ତ୍ତୀ ମଧ୍ୟ ତାଙ୍କ ସହ ଜଜ୍ ଆସନରେ ବସୁଛନ୍ତି। ଚଳିତ ବର୍ଷ ଆରମ୍ଭରେ ସୋନୁ ନିଗମଙ୍କୁ ପଦ୍ମଶ୍ରୀ ସମ୍ମାନରେ ସମ୍ମାନିତ କରାଯାଇଛି।