କାହାଣୀ ଶ୍ରୀଦେବୀଙ୍କ ଉପରେ କିନ୍ତୁ …

<p>ମୁମ୍ବାଇ: ଗତବର୍ଷ ଏକ ଛୋଟ ଭିଡିଓ କ୍ଲିପ୍&zwnj;ରୁ ରାତାରାତି ଷ୍ଟାର ପାଲଟି ଯାଇଥିବା ଅଭିନେତ୍ରୀ ପ୍ରିୟା ପ୍ରକାଶ ୱାରିୟର ବଲିଉଡ୍&zwnj;ରେ ଡେବ୍ୟୁ କରିବାକୁ ଏବେ ପୂରା ପ୍ରସ୍ତୁତ। ପ୍ରିୟାଙ୍କୁ ଖୁବ୍&zwnj; ଶୀଘ୍ର ଫିଲ୍ମ &lsquo;ଶ୍ରୀଦେବୀ ବଙ୍ଗ୍&zwnj;ଲୋ&rsquo;ରେ ଦେଖିବାକୁ ମିଳିବ।&nbsp; ମାଲାୟାଲମ୍&zwnj; ଫିଲ୍ମ&lsquo; Oru Aadar Love&rsquo;ର ଅଭିନେତ୍ରୀ ପ୍ରିୟାଙ୍କ ଏହି ପ୍ରଥମ ହିନ୍ଦୀ ଫିଲ୍ମର ଟିଜର ରିଲିଜ୍&zwnj; ହୋଇଯାଇଛି। ଯାହାକୁ ନେଇ ସେ ଏବେ ଚର୍ଚ୍ଚାରେ।&nbsp; ଆଉ ଟ୍ରେଲର ରିଲିଜ୍&zwnj; ପରେ ପ୍ରିୟାଙ୍କୁ ସୋଶାଲ୍&zwnj; ମିଡିଆରେ ଟ୍ରୋଲ୍&zwnj; ବି କରାଯାଉଛି।</p><p>ଟିଜର ଦେଖିଲା ପରେ ସ୍ପଷ୍ଟ ଜଣା ପଡ଼ୁଛି ଯେ, ଫିଲ୍ମର କାହାଣୀ ବଲିଉଡ୍ ଅଭିନେତ୍ରୀ ଶ୍ରୀଦେବୀ ଓ ତାଙ୍କର ଦୁର୍ଘଟଣା ବଶତଃ ହୋଇଥିବା ମୃତ୍ୟୁର କହାଣୀ ଉପରେ ପର୍ଯ୍ୟବଶିତ। &nbsp;କିନ୍ତୁ ନା ଟ୍ରେଲରରେ ଶ୍ରୀଦେବୀଙ୍କ କେଉଁ ସମ୍ମାନରେ ଏହି ଫିଲ୍ମ ତିଆରି ହୋଇଥିବା ସମ୍ପର୍କରେ କିଛି ଟିପ୍ପଣୀ କରାଯାଇନାହିଁ। ଏପରିକି ଫିଲ୍ମ ନିର୍ମାତା ମଧ୍ୟ ଏ ବାବଦରେ କୌଣସି ମନ୍ତବ୍ୟ ଦେଇ ନାହାନ୍ତି। ଆଉ ଖାସ୍&zwnj; ଏଇଥିପାଇଁ ଟ୍ରୋଲ୍&zwnj; ହୋଇଛନ୍ତି ପ୍ରିୟା।</p><p>(image) </p><p>ଫିଲ୍ମର ଟିଜରରେ ଦେଖାଯାଇଛି ଯେ, କେମିତି ଶ୍ରୀଦେବୀ ଜଣେ ଖୁବ୍&zwnj; ପ୍ରସିଦ୍ଧ ମହିଳା ଥିଲେ ଆଉ ଦେଶ ବିଦେଶରେ ତାଙ୍କର ଖୁବ୍&zwnj; ଫ୍ୟାନ୍&zwnj; ଫଲୋଇଂ ଥିଲା। ଏହାପରେ ଦେଖା ଯାଇଥିଲା ଯେ କେମିତି ଶ୍ରୀଦେବୀ ବାହାରକୁ ଖୁବ୍&zwnj; ଖୁସି ଥିଲେ ଓ ଭିତରେ ଅଣ ନିଶ୍ୱାସି ହୋଇ ଯନ୍ତ୍ରଣା ଅନୁଭବ କରୁଥିଲେ। ଭିଡିଓରେ ଏକଥା ବି ଦେଖିବାକୁ ମିଳିଛି ଯେ, ଡ୍ରିଙ୍କ୍&zwnj; କରିବା ପରେ ସେ ବାଥ୍&zwnj; ଟବ୍&zwnj;ରେ ପଡ଼ି ତାଙ୍କର ମୃତ୍ୟୁ ହୋଇଯାଇଛି। ବାଥ୍&zwnj; ଟବ୍&zwnj;ରେ ତାଙ୍କ ଗୋଡ଼ ବାହାରକୁ ବାହାରିଥିବାର ଏକ ଦୃଶ୍ୟ ମଧ୍ୟ ରହିଛି।</p><p>ଏହି ଦୃଶ୍ୟ ମାଧ୍ୟମରେ &nbsp;ନିର୍ମାତା&nbsp; ଫିଲ୍ମର ଲୋଗୋ ଦେଖାଇବାକୁ ଚେଷ୍ଟା କରିଛନ୍ତି। ଯେଉଁଥିରୁ ଜଣାପଡ଼ିଛି ଯେ, ଫିଲ୍ମର ପୂରା କାହାଣୀ&nbsp; ଶ୍ରୀଦେବୀଙ୍କ ଜୀବନ ଉପରେ ଆଧାରିତ।</p><p>ଟିଜର୍&zwnj; ରିଲିଜ୍&zwnj; ପରେ ଶ୍ରୀଦେବୀଙ୍କ ପ୍ରଶଂସକ ଓ ସ୍ୱାମୀ ବୋନୀ କପୁର ଫିଡ଼ିକି ଯାଇଛନ୍ତି। ବୋନୀ ନିର୍ଦ୍ଦେଶକଙ୍କୁ ଲିଗାଲ୍&zwnj; ନୋଟିସ୍&zwnj; ବି ପଠାଇଛନ୍ତି। କିନ୍ତୁ ନିର୍ଦ୍ଦେଶକ ଅବିକଳ ଶ୍ରୀଦେବୀଙ୍କ କାହାଣୀ ଦେଖେଇ ଏହା ତାଙ୍କ କାହାଣୀ ନୁହେଁ ବୋଲି କହିଛନ୍ତି।</p><p>ପିଙ୍କ୍&zwnj;ୱାଲା ରିପୋର୍ଟ ମୁତାବକ&nbsp; ଯେତେବେଳେ ପ୍ରିୟା ପ୍ରକାଶଙ୍କୁ ଫିଲ୍ମଟି ଶ୍ରୀଦେବୀଙ୍କ ଜୀବନ ଆଧାରିତ ନା ନାହିଁ ପଚରା ଯାଇଥିଲା। ପ୍ରିୟା କହିଥିଲେ-&lt;span style=&quot;color: #ff0000;&quot;&gt;&lt;strong&gt;&lt;em&gt; &lsquo;&lsquo;ଏହା ତାଙ୍କ ଜୀବନ ଉପରେ ଆଧାରିତ ନା ନାହିଁ ଫିଲ୍ମ ଦେଖିଲେ ଆପଣ ଜାଣିପାରିବେ। ମୁଁ ତ କେବଳ ଜଣେ ସୁପରଷ୍ଚାରଙ୍କ ଚରିତ୍ରରେ ଅଭିନୟ କରୁଛି। ଯାହାର ନାଁ &lsquo;ଶ୍ରୀଦେବୀ ବଙ୍ଗ୍&zwnj;ଲୋ&rsquo;। ଆଉ ଏହା ମୋର ପ୍ରଥମ ହିନ୍ଦୀ ଫିଲ୍ମ ହୋଇଥିବାରୁ ଏଥିପାଇଁ ମୁଁ ବହୁତ ଉତ୍ସାହିତ ଅଛି, ନର୍ଭସ ମଧ୍ୟ।&rsquo;&rsquo;&lt;/em&gt;&lt;/strong&gt;&lt;/span&gt;</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।