ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ମୁମ୍ବାଇ: ବଲିଉଡ୍‌ ବିୟୁଟି ସୁସ୍ମିତା ସେନ୍‌ ଏବେ ଫିଲ୍ମ ଦୁନିଆରୁ ଟିକେ ଦୂରେଇ ଯାଇ ଅବସର ସମୟ କାଟୁଛନ୍ତି। କିନ୍ତୁ ଏହି ପୂର୍ବତନ ବ୍ରହ୍ମାଣ୍ଡ ସୁନ୍ଦରୀ ସୋଶାଲ୍‌ ମିଡିଆରେ ସବୁବେଳେ ଚର୍ଚ୍ଚାରେ ରହୁଛନ୍ତି। ନିକଟରେ ଜଣେ ଶତାୟୁ ମହିଳାଙ୍କ ସହ କାଟିଥିବା କିଛି ମୁହୂର୍ତ୍ତର ଏକ ଭିଡିଓ ସୁସ୍ମିତା ସୋଶାଲ୍‌ ମିଡିଆରେ ଶେୟାର୍‌ କରିଛନ୍ତି। ଏହି ଭିଟିଓଟି ଏବେ ଖୁବ୍‌ ଭାଇରାଲ୍‌ ହେବାରେ ଲାଗିଛି। ୟୁଜର୍ସ ମଧ୍ୟ ଏହି ଭିଡିଓକୁ ଖୁବ୍‌ ପସନ୍ଦ କରିଛନ୍ତି।</p> <p>(image) ଶେୟାର୍‌ ହୋଇଥିବା ଏହି ଭିଡିଓରେ ସୁସ୍ମିତା ଜଣେ କୃଷକ ପରିବାରର ମହିଳା ସଦସ୍ୟମାନଙ୍କ ସହ ଘରର ଚଟାଣ ଉପରେ ବସିଥିବା ଦେଖିବାକୁ ମିଳିଛି। ତେବେ ଏହି ପରିବାର କାହାର ଏବଂ କେଉଁଠାର, ସେସମ୍ପର୍କରେ ସୁସ୍ମିତା କୌଣସି ସୂଚନା ଦେଇନାହାନ୍ତି।</p> <p>ନିଜ ଇନ୍‌ଷ୍ଟାଗ୍ରାମ୍‌ରେ ଭିଡିଓଟି ଶେୟାର କରି ସୁସ୍ମିତା ଲେଖିଛନ୍ତି,‘‘ଭଲ ପାଇବା ଓ ଆଶୀର୍ବାଦ ମୋ ପାଇଁ ସବୁଠୁ ବଡ଼ ଧନ। ମୁଁ ଏମିତି ଲୋକମାନଙ୍କ ସହ ସାକ୍ଷାତ କରି ଅଭିଭୂତ ହୋଇଯାଏ,ଯେଉଁମାନେ ବିନା କୌଣସି ସର୍ତ୍ତରେ କେବଳ ଭଲ ପାଇବା ଦିଅନ୍ତି।</p> <p>https://www.instagram.com/p/BoEf514HET2/?utm_source=ig_web_copy_link</p> <p>ଭିଡିଓରୁ ଅନୁମାନ କରାଯାଉଛି, ସୁସ୍ମିତା ସେହି କୃଷକ ପରିବାରର ରୋଷେଇ ଘରେ ବସି ପରିବର ଲୋକଙ୍କ ସହ କଥାବାର୍ତ୍ତା କରୁଛନ୍ତି। ଏହି କଥାବାର୍ତ୍ତାବେଳେ ଘରର ସବୁଠୁ ବୟସ୍କ ମହିଳା(ଯାହାଙ୍କ ବୟସ ୧୦୧ବର୍ଷ ବୋଲି କୁହାଯାଉଛି)ଙ୍କୁ ସୁସ୍ମିତା କହୁଛନ୍ତି, ‘‘ମୁଁ ଯାହା କହିବି, ଆପଣ ବୁଝି ପାରିବେ ନାହିଁ। ଆପଣ କେବଳ ମୋତେ ଆଶୀର୍ବାଦ ଦେଇ ଦିଅନ୍ତୁ।’’ ସୁସ୍ମିତାଙ୍କ ଏହି କଥା ଶୁଣି ସେଠାରେ ଉପସ୍ଥିତ ପରିବାରର ଅନ୍ୟମାନେ ହସୁଥିବା ଦେଖାଯାଉଛି। ଆଉ ଶତାୟୁ ବୃଦ୍ଧାଙ୍କୁ ଏମିତି କହିବା ପରେ ସୁସ୍ମିତା ସେହି ବୃଦ୍ଧାଙ୍କ ଗୋଡ଼ ଉପରେ ନିଜ ମୁଣ୍ଡ ରଖି ଆଶୀର୍ବାଦ ନେଇଛନ୍ତି।</p> <p>ଏହି ଭିଡିଓକୁ ଗୋଟିଏ ଦିନରେ ଲକ୍ଷେ ଲୋକ ଦେଖି ସାରିଲେଣି। ସୋଶାଲ୍‌ ମିଡିଆରେ ସୁସ୍ମିତାଙ୍କ ଏହି ନିଆରା ଅନ୍ଦାଜ୍‌ ଫ୍ୟାନ୍‌ମାନଙ୍କୁ ମଧ୍ୟ ଖୁବ୍‌ ଖୁସି ଦେଇଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
