ମୁମ୍ବାଇ: ଫିଲ୍ମ ଅଭିନେତା ବିବେକ ଓବରାୟଙ୍କ ଘରେ ଗତକାଲି ହଠାତ୍ ଜଣେ ଚୋର ପଶି ଆସିଥିଲା। କିନ୍ତୁ ସେ ବିବେକଙ୍କ ହାତରେ ପଡ଼ି ଯାଇଥିଲା। ବିବେକ ତାକୁ ଧରିବା ସହ ପୋଲିସ୍କୁ ଖବର ଦେଇଥିଲେ। ପୋଲିସ୍ ଆସିବା ପରେ ଚୋର ତା’ ମୁହଁରେ ପିନ୍ଧିଥିବା ମୁଖା ଖୋଲିଥିଲା। ମୁଖା ଖୋଲାଯିବା ପରେ ଦେଖାଗଲା ଚୋରର ମୁହଁ ଅଭିନେତା ରିତେଶ ଦେଶମୁଖଙ୍କ ସହ ମେଳ ଖାଉଛି। ପୋଲିସ୍ ବି ଏହା ଦେଖି ଆଶ୍ଚର୍ଯ୍ୟ ହୋଇଗଲା। ତେବେ ସେ ରିତେଶଙ୍କ ଅବିକଳ ନ ଥିଲେ, ଖୋଦ୍ ରିତେଶ ଥିଲେ। ସେ ମିଛିମିଛିକା ଚୋରି କରିବାକୁ ଆସିଥିଲେ। ଏହା ମଜାକ୍ ଥିଲା। ବିବେକ ନିଜର ଆଗାମୀ ଫିଲ୍ମର ପ୍ରମୋସନ ପାଇଁ ଏହି କାହାଣୀ ରଚି ଥିଲେ। ଏହି ଫିଲ୍ମରେ ସେ ଅମଜଦ ଖାନ ସିବିଆଇ ଅଫିସର ଭୂମିକାରେ ଆସୁଛନ୍ତି।
ଜୁନ୍ ୧୬ରେ ଏହି ଫିଲ୍ମ ରିଲିଜ୍ ହେବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
