ସକାଳର ଆରମ୍ଭ ହୋଇଥାଏ ଚା’ରୁ। ଟିକେ ଚା’ ନ ମିଳିଲେ ସବୁ କିଛି ଅସମ୍ପୂର୍ଣ୍ଣ ଲାଗେ। କୌଣସି କାମରେ ମନ ଲାଗେନି। ସକାଳର ଆରମ୍ଭ ଅନେକ ଲୋକ ବିଭିନ୍ନ ପ୍ରକାର ଚା’ ପିଇ କରନ୍ତି। କେହି ଖୀର ଚା’ ତ କେହି ନାଲି ଚା’, ଆଉ କେହି ଲେମନ୍ ଟି ତ କେହି ସୁଗାର-ଫ୍ରି ଚା’ ପିଇବାକୁ ପସନ୍ଦ କରିଥାନ୍ତି। ହେଲେ ଲବଙ୍ଗରେ ପ୍ରସ୍ତୁତ ଚା’ କୁ କମ୍ ଲୋକ ପିଇଥାନ୍ତି। ତେବେ ଆସନ୍ତୁ ଆଜି ଏହି ଚା’ର ଔଷଧୀୟ ଗୁଣ ଓ ଉପକାରିତା ସଂପର୍କରେ ଜାଣିବା।
୧- ଯଦି ଆପଣଙ୍କ ଦାନ୍ତରେ ସମସ୍ୟା ରହିଛି, ତେବେ ଏହି ଚା’ କୁ ପ୍ରତ୍ୟେକ ଦିନ ପିଅନ୍ତୁ। ଏହା ଦାନ୍ତ ମୂଳ ମଜଭୁତ ରଖିବା ସହ ମୁହଁରୁ ବ୍ୟାକ୍ଟେରିଆ ମାରିଥାଏ।
୨- ଯହି ଆପଣଙ୍କୁ ଥଣ୍ଡା ହୋଇଛି ଓ ଆପଣ କଫ ସମସ୍ୟା ଭୋଗୁଛନ୍ତି, ତେବେ ଲବଙ୍ଗ ଚା’ ପିଅନ୍ତୁ। ଏହା କଫକୁ ଜମି ରହିବାକୁ ଦେବନି।
୩- ଲବଙ୍ଗରେ ମ୍ୟାଗ୍ନେସିୟମର ଶକ୍ତି ଥାଏ। ଯାହା ବ୍ୟାକ୍ଟେରିଆକୁ ମାରିବା ସହ ହଜମ ଶକ୍ତି ମଧ୍ୟ ବଢାଇଥାଏ।
୪-ଏସିଡିଟି ଓ ପେଟଜନିତ ସମସ୍ୟାରୁ ମଧ୍ୟ ଲବଙ୍ଗ ଚା’ ମୁକ୍ତି ଦିଏ। ଏହାକୁ ପିଇବା ଦ୍ୱାରା ପେଟରୁ ଗ୍ୟାସ ସମସ୍ୟା ଦୂର ହୁଏ।
୫- ଲବଙ୍ଗ ଚା’ ତ୍ୱଚାକୁ ସତେଜ ରଖିବାରେ ମଧ୍ୟ ସାହାଯ୍ୟ କରେ। ଏହାକୁ ନିୟମିତ ସକାଳେ ପିଇବା ଦ୍ୱାରା ସାରାଦିନ ତ୍ୱଚା ତାଜା ରହିଥାଏ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
