ଶୋଇବା ସମୟରେ ପ୍ରତ୍ୟେକ ବ୍ୟକ୍ତି କିଛି ନା କିଛି ସ୍ୱପ୍ନ ଦେଖିଥାଏ। କିଛି ସ୍ୱପ୍ନ ଆମକୁ ଖୁସି ଦେଇଥାଏ ତ କିଛି ସ୍ୱପ୍ନ ଆମକୁ ଡରାଇଥାଏ। କୁହାଯାଏ ପ୍ରତିଟି ସ୍ୱପ୍ନର କିଛି ନା କିଛି ଅର୍ଥ ଥାଏ ଓ ଲୁଚି ରହିଥାଏ ଅନେକ ରହସ୍ୟ। ଜାଣିଛନ୍ତି କି ଆପଣ ଦେଖୁଥିବା ସ୍ୱପ୍ନ ପଛରେ ଥିବା ରହସ୍ୟ କ’ଣ? କ’ଣ କହେ ଆପଣଙ୍କ ସ୍ୱପ୍ନ? ଆସନ୍ତୁ ଜାଣିବା କେଉଁ ସ୍ୱପ୍ନ ଦେଖିଲେ କ’ଣ ହୋଇଥାଏ।
୧: ଯଦି ସ୍ୱପ୍ନରେ ଆପଣ କୌଣସି ଦେବୀଙ୍କୁ ଦେଖିଲେ ବା ଦେବୀ ଦର୍ଶନ କଲେ, ତେବେ କୁହାଯାଏ ରୋଗରୁ ମୁକ୍ତି ମିଳିବ।
୨: ସେହିପରି ଯଦି ଆପଣ ସ୍ୱପ୍ନରେ ଲାଲ୍ ରଙ୍ଗର ଫୁଲ ଦେଖିଲେ ତେବେ କୁହାଯାଏ ଆପଣଙ୍କ ଭାଗ୍ୟରେ କିଛିଟା ପରିବର୍ତ୍ତନ ହେବ।
୩: ସେହିପରି ସ୍ୱପ୍ନରେ ଯଦି ଆପଣ ଝରଣା ଦେଖିଲେ ତେବେ କୁହାଯାଏ ଆପଣଙ୍କ ଦୁଃଖ ଲାଘବ ହେବ।
୪: ସେହିପରି ଯଦି ସ୍ୱପ୍ନରେ କୌଣସି ଗୁରୁଙ୍କୁ ଦର୍ଶନ କଲେ, ତେବେ କୁହାଯାଏ ଯେ ଆପଣ ନିଜ କାମରେ ସଫଳତା ପାଇବେ।
୫: ଯଦି ଅସ୍ତ୍ର ଶସ୍ତ୍ର ସ୍ୱପ୍ନ ଦେଖିଲେ ତେବେ କୁହାଯାଏ ଯେ ଆପଣ ମୋକଦ୍ଦମାରେ ପରାଜିତ ହେବେ।
୬: ଯଦି ଆପଣ ସ୍ୱପ୍ନରେ ଦେଖିଲେ ଯେ ଆପଣଙ୍କ ମୃତ୍ୟୁ ହେଉଛି ତେବେ ଜାଣନ୍ତୁ ଆପଣଙ୍କ ଆୟୂଷ ବୃଦ୍ଧି ହେବ।
୭: ସେହିପରି ଯଦି ସ୍ୱପ୍ନରେ ଆପଣ ନିଜ ପିତୃପୁରୁଷଙ୍କୁ ଦେଖିଲେ ତେବେ କୁହାଯାଏ ଆପଣଙ୍କ ଅଟକି ରହିଥିବା କାର୍ଯ୍ୟ ହେଇଯିବ।
୮: ସେହିପରି ଯଦି କୂଅ ସ୍ୱପ୍ନ ଦେଖିଲେ ତେବେ ସମାଜରେ ଆପଣଙ୍କ ସମ୍ମାନ ବୃଦ୍ଧି ହେବ।
୯: ଯଦି ସ୍ୱପ୍ନରେ ଆପଣ ଦେଖିଲେ ଯ଼େ, କୌଣସି ଉଚ୍ଚ ସ୍ଥାନରୁ ପଡି ଯାଉଛନ୍ତି ତେବେ କୁହାଯାଏ ଆପଣ ମାନସିକ ଚିନ୍ତା ବୃଦ୍ଧି ହେବ।
୧୦: ସେହିପରି ଯଦି ସ୍ୱପ୍ନରେ ଦେଖିଲେ ଯେ, ଆପଣ ଗୋବର ମାଡୁଛନ୍ତି ତେବେ ଚାକିରିରେ ପଦୋନ୍ନତି ବା ବ୍ୟବସାଯରେ ଲାଭ ମିଳିବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
