ନୂଆଦିଲ୍ଲୀ: ଆଇପିଏଲର ପୂର୍ବ କମିଶନର ଲଲିତ ମୋଦିଙ୍କ ବିରୋଧରେ ଜାମିନ ବିହୀନ ଗିରଫ ପରୱାନା ଜାରି କରାଯାଇଛି । ବିଶେଷ ପିଏମଏଲ କୋର୍ଟ ଲଳିତଙ୍କ ବିରୋଧରେ ଏହି ୱାରେଣ୍ଟ ଜାରି କରିଛନ୍ତି । ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଲଳିତଙ୍କୁ ହାଜିର କରିବା ନେଇ ଏହି ୱାରେଣ୍ଟ ଜାରି କରିବାକୁ କୋର୍ଟରେ ଅପିଲ କରିଥିଲେ ।
ଇଡିଙ୍କ ଏହି କାର୍ଯ୍ୟାନୁଷ୍ଠାନ ସମ୍ପର୍କରେ ବିତ୍ତମନ୍ତ୍ରୀ ଅରୁଣ ଜେଟଲି ମଙ୍ଗଳବାର ସଂସଦରେ ସୂଚନା ଦେଇଥିଲେ । ଲଳିତ ମୋଦିଙ୍କ ବିରୋଧରେ ପିଏମଏଲଏ ତରଫରୁ ମାମଲା ରୁଜୁ କରାଯାଇଥିଲା । ଲଳିତଙ୍କୁ ୩ଥର ସମନ ଜାରି କରାଯିବା ସତ୍ତ୍ୱେ ତାଙ୍କ ତରଫରୁ କୌଣସି ଉତ୍ତର ରଖାଯାଇ ନ ଥିଲା । ଏବେ ମୋଦି ୟକେରେ ରହୁଛନ୍ତି । ଲଳିତ ଗଣମାଧ୍ୟମ ଜରିଆରେ ବାରମ୍ବାର ସମ୍ମୁଖକୁ ଆସି ଅଦାଲତ ତରଫରୁ ଦିଆଯାଉଥିବା ସମନ ସେ ପାଇ ନ ଥିବା କହୁଛନ୍ତି । ସୂଚନାଯୋଗ୍ୟ, ଲଳିତ ମୋଦିଙ୍କ ବିରୋଧରେ ଆଇପିଏଲ ପ୍ରସାରଣ ଅଧିକାର ଦେବାରେ ଅନିୟମିତତା କରାଯାଇଥିବା ଅଭିଯୋଗର ତଦନ୍ତ କରୁଛି ଇଡି । ଏହାକୁ ନେଇ ପିଏମଏଲଏ ତରଫରୁ ଯାଞ୍ଚ କରାଯାଉଛି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
