ଜୋହାନ୍ସବର୍ଗ: ପାର୍କିଂ ବିବାଦକୁ ନେଇ ଦକ୍ଷିଣ ଆଫ୍ରିକାର ଡରୱନରେ ଭାରତର ଦୁଇ ଜଣଙ୍କୁ ଗୁଳି କରି ହତ୍ୟା କରାଯାଇଛି । ମୃତକମାନେ ଦୁଇଭାଇ ବୋଲି ଜଣାପଡିଛି । ମୃତକମାନେ ହେଲେ ଅହମ୍ମଦ ବାବଦା (୨୫) ଏବଂ ମହମ୍ମଦ ବାବଦା (୩୧) । ଅହମ୍ମଦ ସେଠାରେ ଆକାଉଣ୍ଟାଣ୍ଟ ଓ ମହମ୍ମଦ ଏଷ୍ଟେଟ ଏଜେଣ୍ଟ ଭାବେ କାମ କରୁଥିଲେ । ଉଭୟଙ୍କ ସହ ଗୁଳି ମାରିଥିବା ଅଭିଯୁକ୍ତ ଗୋଟିଏ ଆପାଣ୍ଟମେଣ୍ଟରେ ଭଡାରେ ରହୁଥିଲେ । ସ୍ଥାନୀୟ ବାସିନ୍ଦାଙ୍କ ସୂଚନା ଅନୁସାରେ ଅହମ୍ମଦ ଗାଡି ପାର୍କିଂ କରି ପତ୍ନୀ ସହ ଯାଉଥିବା ବେଳେ ଅଭିଯୁକ୍ତ ଜଣଙ୍କ ତାଙ୍କୁ ଗୁଳି ମାରିଥିଲେ । ତିନି ମହଲା ଫ୍ଲାଟରୁ ମହମ୍ମଦ ପାଟି ଶୁଣି ସିଡିରେ ପାର୍କିଂ ସ୍ଥଳକୁ ଆସି ପହଞ୍ଚିବା ପରେ ଅଭିଯୁକ୍ତ ଜଣଙ୍କ ତାଙ୍କୁ ମଧ୍ୟ ଗୁଳି ମାରି ହତ୍ୟା କରିଥିଲେ ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
