ନୂଆଦିଲ୍ଲୀ: ଏଣିକି ମନରେଗା ଯୋଜନାରେ ଶ୍ରମିକଙ୍କ ମଜୁରୀ ସିଧାସଳଖ ସେମାନଙ୍କ ପାଖକୁ ଯିବ। ଆର୍ଥିକ ବ୍ୟାପାର ସମ୍ପର୍କିତ କେନ୍ଦ୍ର କ୍ୟାବିନେଟ୍ କମିଟି ଗତକାଲି ଏହି ପ୍ରସ୍ତାବକୁ ଅନୁମୋଦନ କରିଛି। ଏହାଦ୍ୱାରା ପେ-ଅର୍ଡର ବାହାରିବାର ପରଦିନ ଶ୍ରମିକମାନେ ମଜୁରୀ ପାଇପାରିବେ। ଯୋଜନାର ସଫଳ ରୂପାୟନ ସହ ରାଜ୍ୟଗୁଡ଼ିକୁ ସଶକ୍ତ କରିବା ଲକ୍ଷ୍ୟ ନେଇ କେନ୍ଦ୍ର ସରକାର ଏହି ନିଷ୍ପତ୍ତି ଗ୍ରହଣ କରିଛନ୍ତି। ଇଲେକଟ୍ରୋନିକ୍ସ ପାଣ୍ଠି ପରିଚାଳନା ବ୍ୟବସ୍ଥା ଇ-ଏଫଏମ୍ଏମଏସ୍ ସତ୍ତ୍ୱେ କେନ୍ଦ୍ରରୁ ଠିକ୍ ସମୟରେ ପାଣ୍ଠି ଆସିପାରୁ ନାହିଁ। ତେଣୁ ନିର୍ଦ୍ଧାରିତ ସମୟରେ ମଜୁରୀ ପ୍ରଦାନ ପାଇଁ ପାଣ୍ଠି ପହଞ୍ଚି ପାରୁନାହିଁ। ଗ୍ରାମୀଣ ବିକାଶ ମନ୍ତ୍ରାଳୟ ଦ୍ୱାରା ନିର୍ଦ୍ଧାରଣ କରାଯାଇଥିବା ପଦ୍ଧତିରେ ମନରେଗା କାମ କାର୍ଯ୍ୟକାରୀ କରୁଥିବା ଏଜେନସି ଆଦେଶ ଜାରି କରିବା ପରେ କେନ୍ଦ୍ର ସରକାର ନିଶ୍ଚିତ ନିଯୁକ୍ତି ପାଣ୍ଠିକୁ ଅର୍ଥ ପ୍ରଦାନ କରୁଛନ୍ତି। ତେଣୁ ଯୋଜନାର ସଫଳ ରୂପାୟନ ଲାଗି କେନ୍ଦ୍ର ସରକାର ଏହି ନିଷ୍ପତ୍ତି ନେଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
