ନୂଆଦିଲ୍ଳୀ:ଭାରତୀୟ ଫିଲ୍ମ ଏବଂ ଟେଲିଭିଜନ୍ ସଂସ୍ଥା(ଏଫଟିଆଇଆଇ)ର ଛାତ୍ରମାନେ ଗଜେନ୍ଦ୍ର ଚୌହାନଙ୍କୁ ଅଧ୍ୟକ୍ଷ ପଦରୁ ହଟାଇବା ପାଇଁ ଚଳାଇଥିବା ଆନ୍ଦୋଳନ ରବିବାର ପ୍ରତ୍ୟାହାର କରିଛନ୍ତି। ଆସନ୍ତା ମଙ୍ଗଳବାର ସରକାରଙ୍କ ସହ ଛାତ୍ରମାନେ ଆଲୋଚନା କରିବାର କାର୍ଯ୍ୟକ୍ରମ ରହିଛି।
ସୂଚନା ଓ ପ୍ରସାରଣ ମନ୍ତ୍ରଣାଳୟ ପକ୍ଷରୁ ଛାତ୍ରମାନଙ୍କୁ ଏକ ଚିଠି ଦିଆଯାଇଛି। ଏଥିରେ ଛାତ୍ରମାନଙ୍କ ଦାବି ସଂପର୍କରେ ମଙ୍ଗଳବାର ସରକାରଙ୍କ ସହ ଆଲୋଚନା କରିବା ପାଇଁ ପ୍ରତିଶ୍ରୁତି ଦିଆଯାଇଛି। ଏଫଟିଆଇଆଇର ଛାତ୍ରମାନେ ଶୁକ୍ରବାର ସୂଚନା ଓ ପ୍ରସାରଣ ମନ୍ତ୍ରଣାଳୟ ନିକଟକୁ ଏକ ଚିଠି ଲେଖିଥିଲେ। ସରକାରଙ୍କ ସହ ଆଲୋଚନା ଓ ଆନ୍ଦୋଳନ ପ୍ରତ୍ୟାହାର କରିବାକୁ ଛାତ୍ରମାନେ ଚିଠିରେ ଲେଖିଥିଲେ।
ସୂଚନାଯୋଗ୍ୟ, ଅଭିନେତା ଗଜେନ୍ଦ୍ର ଚୌହାନଙ୍କୁ ଅଧ୍ୟକ୍ଷ ପଦରୁ ହଟାଇବା ପାଇଁ ୧୦୮ ଦିନ ହେବ ଛାତ୍ରମାନେ ଆନ୍ଦୋଳନ କରିଆସୁଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
