ମୁମ୍ୱାଇ ସିରିଜ୍‌ ବିସ୍ଫୋରଣ: ଅବୁ ସାଲେମଙ୍କୁ ଆଜୀବନ କାରାଦଣ୍ଡ, ୨୪ ବର୍ଷ ପରେ ଆସିଲା ରାୟ

ମୁମ୍ୱାଇ: ସ୍ୱତନ୍ତ୍ର ଟାଡା କୋର୍ଟର ଗୁରୁତ୍ୱପୂର୍ଣ୍ଣ ରାୟ। ଦୋଷୀ ସାବ୍ୟସ୍ତ ହୋଇଥିବା ମୁମ୍ୱାଇ ଅଣ୍ଡରୱାଲ୍ଡ ଡନ୍ ଅବୁ ସାଲେମଙ୍କୁ  ଆଜୀବନ କାରାଦଣ୍ଡ।  ମୁମ୍ୱାଇ ସିରିଜ୍‌ ବୋମା ବିସ୍ପୋରଣ ମାମଲାରେ ଡନ୍ ଅବୁ ସାଲେମଙ୍କୁ  ଆଜି ଆଜୀବନ ସଶ୍ରମ କାରାଦଣ୍ଡରେ ଦଣ୍ଡିତ କରାଯାଇଛି। ଏଥିସହିତ କୋର୍ଟ ଅବୁ ସଲେମଙ୍କ ଅନ୍ୟଜଣେ ସହଯୋଗୀ କରିମୁଲ୍ଲା ଶେଖଙ୍କୁ ମଧ୍ୟ ସମାନ ଦଣ୍ଡାଦେଶ ଶୁଣାଇଛନ୍ତି।  ସେହିପରି ଉଭୟଙ୍କୁ ୨ ଲକ୍ଷ ଟଙ୍କାର ଜରିମାନା ଦେବାକୁ ନିର୍ଦ୍ଦେଶ ଦେଇଛନ୍ତି ଅଦାଲତ। ଅନ୍ୟପକ୍ଷରେ ଏହି ମାମଲାର ସମ୍ପୃକ୍ତ  ଅନ୍ୟ ଜଣେ ଦୋଷୀ ମୁସ୍ତାଫ୍ ଦୋସାଙ୍କ ପୂର୍ବରୁ ହୃଦ୍‌ଘାତରେ ମତ୍ୟୁ ଘଟିଥିଲା।

୨୪ ବର୍ଷ ପରେ  କୋର୍ଟ ଏହି ମାମଲାରେ ଅବୁ ସାଲେମଙ୍କ ସହିତ ଅନ୍ୟ ଛଅ ଜଣଙ୍କୁ ଦୋଷୀ ସାବ୍ୟସ୍ତ କରିଛନ୍ତି।

mumbaiମାର୍ଚ୍ଚ ୧୨, ୧୯୯୩ ମସିହାରେ ମୁମ୍ୱାଇରେ ସିରିଜ୍‌ ବୋମା ବିସ୍ଫୋରଣ ହୋଇଥିଲା। ଏଥିରେ ୨୫୭ ଜଣଙ୍କ ମୃତ୍ୟୁ ହୋଇଥିବା ବେଳେ ୭୦୦ରୁ ଅଧିକ ଲୋକେ ଆହତ ହୋଇଥିଲେ। ଏହି ଘଟଣା ଭିଆଇବା ପରେ ଅଭିଯୁକ୍ତମାନେ ପର୍ତ୍ତୁଗାଲ ଫେରାର ହୋଇଯାଥିଲେ। ତେବେ ୨୦୦୫ରେ ପ୍ରତ୍ୟାର୍ପଣ ମାଧ୍ୟମରେ ସମ୍ପୃକ୍ତ ଅଭିଯୁକ୍ତଙ୍କୁ ଭାରତକୁ ଆଣାଯାଇଥିଲା।

ଏହି ମାମଲାର ଆଉ ଜଣେ ଅଭିଯୁକ୍ତ ଅବଦୁଲ୍ କୟୁମକୁ ସମସ୍ତ ଅଭିଯୋଗରୁ କୋର୍ଟ ଦୋଷ ମୁକ୍ତ କରିଛନ୍ତି। ଫିଲ୍ମ ଷ୍ଟାର ସଞ୍ଜୟ ଦତ୍ତଙ୍କକୁ ଅସ୍ତ୍ରଶସ୍ତ୍ର  ଓ ଗୋଳାବାରୁଦ ପହଞ୍ଚାଇବାରେ କୟୁମ ସହାୟତା କରିଥିଲେ। କୟୁମଙ୍କୁ ୨୦୦୭ ଫେବୃଆରୀ ୧୩ ରେ ଗିରଫ କରାଯାଇଥିଲା। ଏହି ମାମଲାର ମୁଖ୍ୟ ଅଭିଯୁକ୍ତ ଅବୁ ସାଲେମ ଅସ୍ତ୍ରଶସ୍ତ୍ର ଓ ଗୋଳାବରୁଦ ସହିତ ଏକେ ୪୭ ରାଇଫଲ୍ ସପ୍ଲାଏ କରିବା ନେଇ ଦୋଷୀ ସାବ୍ୟସ୍ତ କରାଯାଇଛି।

ଏହା ପୂର୍ବରୁ ଏହି ମାମଲାରେ ଟାଡା କୋର୍ଟ ୧୦୦ ଜଣଙ୍କୁ ଅଭିଯୁକ୍ତ କରିଥିଲେ। ଏଥିରେ ୟାକୁବ ଅବଦୁଲ୍ ରଜାକ୍ ମେନନ୍ ସାମିଲ ଥିଲେ। ୩୦ ଜୁଲାଇ ୨୦୧୫ରେ ତାଙ୍କୁ ଫାଶି ଦିଆଯାଇଥିଲା। ଏହି ମାମଲାରେ ସଞ୍ଜୟ ଦତ୍ତଙ୍କ ପୂରା ସଜ୍ଜା କାଟିବା ପରେ ଫେବୃଆରୀ ୨୦୧୬ରେ ଜେଲ୍‌ରୁ ମୁକୁଳି ଥିଲେ।

ଆହୁରି ପଢ଼ନ୍ତୁ

କଂଗ୍ରେସରୁ ନିଲମ୍ବିତ ହେଲେ ସଞ୍ଜୟ ଝା

ଗେହଲଟଙ୍କ ବିରୋଧରେ ଖୋଲାଖୋଲି ଯୁଦ୍ଧ ଡାକରା ଦେଲେ ସଚିନଙ୍କ ସମର୍ଥକ

ଅନଲାଇନ କ୍ଲାସ ପାଇଁ ନୂଆ ଗାଇଡଲାଇନ ଜାରି କଲେ କେନ୍ଦ୍ର ସରକାର

ମହାରାଷ୍ଟ୍ରରେ କରୋନା ପ୍ରକୋପ ଜାରି: ଦିନକରେ ୨୧୩ ମୃତ, ୬୭୪୧ ପଜିଟିଭ

ଚାଇନାକୁ ବ୍ରିଟେନ ଝଟ୍‌କା: ଦେଶରେ ବ୍ୟାନ୍‌ ହେଲା ହୁୱେଇ

‘ରାମ ରାମ’: ସମର୍ଥକଙ୍କୁ ଧନ୍ୟବାଦ ଜଣାଇଲେ ସଚିନ ପାଇଲଟ

ଉଦ୍ଭିଦ ଜାତ ଖାଦ୍ୟ ଖାଇଲେ ରୋଗ ହେବାର ଆଶଙ୍କା ୫୦% କମିବ!‌

ବିଜେପି ମୁଖ୍ୟାଳୟରେ ପଶିଲା କରୋନା, ୨୦ରୁ ଅଧିକ ଆକ୍ରାନ୍ତ

୧୬ରୁ ୩୧ ଯାଏ ଲାଗୁ ହେବ ପୂରା ଲକଡାଉନ

ଏହି ରାଜ୍ୟର ବିଜେପି ମୁଖ୍ୟଙ୍କୁ କରୋନା, କ୍ୱାରେଣ୍ଟାଇନରେ ରାମ ମାଧବ ଓ କେନ୍ଦ୍ରମନ୍ତ୍ରୀ ଜିତେନ୍ଦ୍ର

ହସ୍ପିଟାଲରେ ଆଉ କେତେ ଦିନ ରହିବେ ବିଗ ବି ଓ ଅଭିଷେକ ବଚ୍ଚନ

୪ ବର୍ଷର ପୁଅ ଓ ସ୍ୱାମୀଙ୍କୁ ଏକାକରି ସବୁଦିନ ପାଇଁ ଚାଲିଗଲେ କରୋନା ଯୋଦ୍ଧା