ପ୍ରିକ୍ଲିନିକାଲ ପରୀକ୍ଷା ପାଇଁ କରୋନା ଟୀକା ପ୍ରସ୍ତୁତ, ୬ ମାସରେ ମଣିଷ ଦେହରେ ପରୀକ୍ଷା

ପୁଣେ: ନୋଭେଲ୍‌ କରୋନା ଭାଇରସ୍‌ ବା କ୍ୟାଭିଡ୍-୧୯ର ମୁକାବିଲା ପାଇଁ ଟୀକା ପ୍ରସ୍ତୁତି ସରିଛି। ପ୍ରଥମେ ଏହାର ପ୍ରିକ୍ଲିନିକ୍‌ ପରୀକ୍ଷା ହେବାକୁ ଥିବାବେଳେ ୬ ମାସ ପରେ ମାନବ ଶରୀରରେ ପରୀକ୍ଷା ହେବ। ଏଭଳି ଟୀକା ବା ଭ୍ୟାକ୍‌ସିନ୍‌ ପୁଣେର ସେରମ୍‌ ଇନ୍‌ଷ୍ଟିଚ୍ୟୁଟ୍‌ ଅଫ୍‌ ଇଣ୍ଡିଆ ଏବଂ ଆମେରିକାର ବାୟୋଟେକ୍ନୋଲୋଜି ଫାର୍ମ କୋଡାଜେନିକ୍ସ ବିକଶିତ କରିଛନ୍ତି।

ସାରା ବିଶ୍ୱରେ ଏଭଳି ଟୀକା ପ୍ରସ୍ତୁତି ପାଇଁ ପ୍ରୟାସ ଆରମ୍ଭ ହୋଇସାରିଛି। ତେବେ ପୁଣେରେ ବିକଶିତ ଏହି ଟୀକା ଏକ ଲାବୋରେଟୋରି ଦ୍ୱାରା ବିକଶିତସିନ୍ଥେଟିକ୍‌ ଭୂତାଣୁରୁ ପ୍ରସ୍ତୁତ କରାଯାଇଛି। ଏହା ଏକ ବଡ଼ ସଫଳତା, କାରଣ କରୋନାର ସଂହାର ଲୀଳାରେ ରୋକ୍‌ ଲଗାଇବା ପାଇଁ ଅଧିକ ଶକ୍ତିଶାଳୀ ଔଷଧ ପ୍ରସ୍ତୁତିର ମାର୍ଗକୁ ଏହା ସୁଗମ କରିବ।

ଏସ୍‌ଆଇଆଇର ମାଲିକ ଏବଂ ସିଇଓ ଅଦାର ପୂନାୱାଲା କହିଛନ୍ତି, “ଏକ ଟୀକା ପ୍ରସ୍ତୁତି ପାଇଁ ସାଧାରଣତଃ ୮ରୁ ୯ ବର୍ଷ ଲାଗିଥାଏ। ଆମେ ଆମ ଆମେରିକା ପାର୍ଟନର କୋଡାଜେନିକ୍ସ ସହ ମିଇ ଏଭଳି କ୍ୟାଣ୍ଡିଡେଟ୍‌ ଭ୍ୟାକ୍ସିନ୍‌ ପ୍ରସ୍ତୁତ କରିଛୁ। ଏହା ଭାଇରସ୍‌ର ମୁକାବିଲାରେ ଏବଂ ରୋଗ ପ୍ରତିରୋଧକ ଶକ୍ତି ବଢ଼ାଇବାରେ ସହାୟକ ହୋଇପାରିବ।”

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।