ଶ୍ରୀନଗର: ପଞ୍ଜାବର ୨ ଜଣ ସେଓ ବ୍ୟସାୟୀଙ୍କ ଉପରେ ଜମ୍ମୁ-କଶ୍ମୀରର ସୋପିଆନ୍ଠାରେ ଆତଙ୍କବାଦୀ ଆକ୍ରମଣ ହୋଇଛି। ବୁଧବାର ସୋପିଆନ୍ର ଟ୍ରେଞ୍ଜ ଅଞ୍ଚଳରେ ଏଭଳି ଆକ୍ରମଣ ହୋଇଛି। ଏହି ୨ ଫଳ ବ୍ୟବସାୟୀଙ୍କ ମଧ୍ୟରୁ ଜଣଙ୍କର ମୃତ୍ୟୁ ହୋଇଥିବାବେଳେ ଆଉ ଜଣେ ଗୁରୁତର ଅବସ୍ଥାରେ ଚିକିତ୍ସିତ ହେଉଛନ୍ତି।
ଏହି ୨ ବ୍ୟବସାୟୀଙ୍କ ନାମ ଚରନ୍ଜିତ୍ ସିଂହ ଏବଂ ସଞ୍ଜୀବ ବୋଲି ଜଣାପଡ଼ିଛି। ସନ୍ଧ୍ୟା ୭.୩୦ରେ ଏଭଳି ଘଟଣା ଘଟିଛି। ଏହାର ୨ ଦିନ ପୂର୍ବରୁ ଜଣେ ଡ୍ରାଇଭରଙ୍କ ହତ୍ୟା କରିଥିଲେ ଆତଙ୍କବାଦୀ। ଏହି ଘଟଣା ସୋପିଆନ୍ ଜିଲ୍ଲାରେ ହିଁ ଘଟିଥିଲା ଏବଂ ଏଥିରେ ଜଣେ ଫଳ ବଗିଚା ମାଲିକ ମଧ୍ୟ ପ୍ରାଣ ହରାଇଥିଲେ। ଏପରି କାଣ୍ଡ ଘଟାଇଥିବା ଆତଙ୍କବାଦୀଙ୍କ ମଧ୍ୟରେ ଜଣେ ପାକିସ୍ତାନୀ ମଧ୍ୟ ଥିଲା।
୭୨ ଦିନ ପରେ ମୋବାଇଲ୍ ସେବା ସ୍ୱାଭାବିକ ହେବା ପରେ ହିଁ ଏଭଳି ଘଟଣା ଘଟିଛି। ୩୭୦ ଧାରା ଉଚ୍ଛେଦ ପୂର୍ବ ରାତିରୁ ଏଠାରେ କଟକଣା ଜାରି ରହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
