ଭୁବନେଶ୍ୱର(ଓଡ଼ିଶା ରିପୋର୍ଟର): ଜାମ୍ମୁ ଓ କାଶ୍ମୀର ଉରି ଠାରେ ଆଜି ସକାଳେ ସୁରକ୍ଷାକର୍ମୀଙ୍କ ଗୁଳିରେ ଜଣେ ଆତଙ୍କବାଦୀ ନିହତ ହୋଇଥିବା ବଳେ ପରେ ସେନା ଗୁଳିରେ ଆଉ ୨ ଆତଙ୍କବାଦୀଙ୍କ ମୃତ୍ୟୁ ହୋଇଛି। ଏହାସହ ଆଜି ଗୋଟିଏ ଦିନରେ ସେନା ୩ଜଣ ଆତଙ୍କବାଦୀଙ୍କୁ ଏନକାଉଣ୍ଟର କରିଥିବା ସୂଚନା ମିଳିଛି। ଶନିବାର ସନ୍ଧ୍ୟାରେ ଜାମ୍ମୁ ଓ କାଶ୍ମୀର ବାରମୂଳା ସେକ୍ଟର ଉରି ଅଞ୍ଚଳରେ ୩ଜଣ ଆତଙ୍କବାଦୀ ପଶିଥିବା ନେଇ ପକ୍କା ସୂଚନା ଦେଇଥିଲା ଗୁଇନ୍ଦା ବିଭାଗ। ଏହାପରେ ଅପରେସନ୍ ଆରମ୍ଭ କରିଦେଇଥିଲେ ଭାରତୀୟ ସେନା। ଅପରେସନ୍ ଚାଲିଥିବା ବେଳେ ଆତଙ୍କବାଦୀ ପ୍ରଥମେ ଭାରତୀୟ ସେନାଙ୍କ ଉପରକୁ ଫାୟାରିଙ୍ଗ କରିଥିଲା। ଏହାପରେ ଗୁଳିର ଜବାବ ଗୁଳିରେ ଦେଇଥିଲା ସେନା। ଏହାସହ କୁପୱାରା ଜିଲ୍ଲାରେ ଥିବା ଏକ ଆତଙ୍କବାଦୀ କ୍ୟାମ୍ପକୁ ମଧ୍ୟ ଆଜି ଧ୍ୱଂସ କରିଛି ଭାରତୀୟ ସେନା। କ୍ୟାମ୍ପରୁ ବିପୁଳ ପରିମାଣର ବିସ୍ଫୋରକ ଜବତ ହୋଇଛି। ଏଥିସହ ଗୋଟିଏ ଆଣ୍ଟି-ଏୟାରକ୍ରାଫ୍ଟ ବନ୍ଧୁକ, ବହୁ ଗୁଳି ଓ ଅସ୍ତ୍ରଶସ୍ତ୍ର ଜବତ କରିଛି ସେନା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
