ନୂଆଦିଲ୍ଲୀ: ଫାଙ୍କା ପଡ଼ୁଛି ସିଟ୍। କମୁଛି ଆଡମିଶନ। ତେଣୁ ଏ ସବୁ କଲେଜ ଗୁଡ଼ିକ ବନ୍ଦ ହେବ। ଦେଶର ଏମିତି ୩୦୦ ଘରୋଇ ଇଞ୍ଜିନିୟରିଂ କଲେଜରେ ତାଲା ଝୁଲିବ। ଚଳିତ ଶିକ୍ଷା ବର୍ଷରୁ ଏ ସବୁ କଲେଜ ବନ୍ଦ ହେବ। ୨୦୧୮-୧୯ରୁ ଦେଶର ୩୦୦ ଘରୋଇ ଇଞ୍ଜିନିୟରିଂ କଲେଜରେ ପାଠପଢା ବନ୍ଦ କରିବା ପାଇଁ ନିର୍ଦ୍ଦେଶ ହୋଇଛି। ଏଥିସହ ଚଳିତ ଶିକ୍ଷା ବର୍ଷରୁ ନାମଲେଖା ବନ୍ଦ କରିବା ପାଇଁ ନିର୍ଦ୍ଦେଶନାମା ଜାରି ହୋଇଛି। ଗତ ୫ ବର୍ଷ ଧରି ୩୦ ପ୍ରତିଶତରୁ କମ୍ ଉପସସ୍ଥାପନ ଯୋଗୁଁ ଏହି କଲେଜ ଗୁଡ଼ିକୁ ବନ୍ଦ କରିବା ପାଇଁ କେନ୍ଦ୍ର ମାନବ ସମ୍ବଳ ବିଭାଗ ପକ୍ଷରୁ ନିର୍ଦ୍ଦେନାମା ଜାରି କରାଯାଇଛି।
ମାନବ ସମ୍ବଳ ବିଭାଗର ଜଣେ ବରିଷ୍ଠ ଅଧିକାରୀଙ୍କ କହିବା ଅନୁଯାୟୀ ଏଭଳି ପ୍ରାୟ ୫୦୦ କଲେଜକୁ ଚିହ୍ନଟ କରାଯାଇଛି। ଯେଉଁ କଲେଜରେ ସିଟ୍ ଫିଲପ ହୋଇପାରୁ ନାହିଁ। ଏନେଇ ସର୍ବଭାରତୀୟ ବୈଷୟିକ ଶିକ୍ଷା ପରିଷଦକୁ ଏସବୁ କଲେଜର ବିକଳ୍ପ ବ୍ୟବସ୍ଥା ତଥା ଧନ୍ଦାମୂଳକ ଶିକ୍ଷା ପାଠ୍ୟକ୍ରମ ଖୋଲିବାକୁ ପରାମର୍ଶ ଦିଆଯାଇଛି। ଏଆସିଟିଇ ୱେବସାଇଟ୍ ଅନୁଯାୟୀ ପ୍ରାୟ ୩୦୦୦ ଘରୋଇ ଞ୍ଜିନିୟରିଂ କଲେଜରେ ଡିଗ୍ରୀ କୋର୍ସ ପ୍ରଦାନ କରାଯାଉଛି।
ଏ ସବୁ କଲେଜରେ ସିଟ୍ କ୍ଷମତା ହେଉଛି ୧୩.୫୬ ଲକ୍ଷ। ହେଲେ ପ୍ରାୟ ୮୦୦ କଲେଜରେ ୫୦ ପ୍ରତିଶତ ସିଟ୍ ପୂରଣ ହେଉ ନାହିଁ। ତେବେ ଏଥିରୁ ୧୫୦ଟି କଲେଜରେ ନାମଲେଖା ୨୦ ପ୍ରତିଶତରୁ କମ୍ ରହୁଛି। ତେବେ ୩୦ ପ୍ରତିଶତରୁ କମ୍ ଉପସ୍ଥାନ ରହୁଥିବା କଲେଜ ଗୁଡ଼ିକୁ ବନ୍ଦ ପାଇଁ ନିଷ୍ପତ୍ତି ହୋଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।