ଭୋପାଲ: ପୁଣି ଗୋଟିଏ ଲଜ୍ଜାଜନକ ଘଟଣା ସାମ୍ନାକୁ ଆସିଛି। ମଧ୍ୟପ୍ରଦେଶର ବିଦିଶା ଜିଲ୍ଲାରେ ଜଣେ ୭୦ ବର୍ଷୀୟ ବୃଦ୍ଧାଙ୍କୁ ଦୁଷ୍କର୍ମ କରିବା ପରେ ହତ୍ୟା କରାଯାଇଛି। ଜିଲ୍ଲାର ଗୟାରସପୁର ଅଞ୍ଚଳରେ ଘଟିଥିବା ଏହି ଘଟଣା ଚାରଆଡ଼େ ଆଲୋଡ଼ନ ସୃଷ୍ଟି କରିଛି।
ବୁଧବାର ରାତିରେ ବୃଦ୍ଧା ଜଣଙ୍କ ତାଙ୍କ ଫସଲ ଦେଖିବାକୁ ବିଲ୍କୁ ଯାଇଥିଲେ। ହେଲେ ରାତିରେ ଆଉ ଘରକୁ ଫେରି ନଥିଲେ। ସକାଳୁ ପରିବାର ଲୋକ ବିଲ ନିକଟରେ ତାଙ୍କ ମୃତଦେହ ଦେଖି ପୁଲିସ୍କୁ ଖବର ଦେଇଥିଲେ।
ପୁଲିସ୍ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲା। ପ୍ରାଥମିକ ତଦନ୍ତରୁ ଜଣାପଡ଼ିଛି ଯେ ବୃଦ୍ଧା ଜଣଙ୍କ ଏକାକୀ ବିଲକୁ ଯାଉଥିବାର ଏହାର ସୁଯୋଗ ନେଇ ତାଙ୍କୁ କେହି ଦୁଷ୍କର୍ମ ପରେ ହତ୍ୟା କରିଛି। କାରଣ ବୃଦ୍ଧାଙ୍କ ଗୁପ୍ତାଙ୍ଗରେ ଏକାଧିକ କ୍ଷତଚିହ୍ନ ରହିଛି। ପୁଲିସ୍ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଥିବା କହିଛି।