ଦ୍ୱନ୍ଦ୍ୱରେ କେନ୍ଦ୍ର କର୍ମଚାରୀ: କେତେ ହେବ ସର୍ବନିମ୍ନ ଦରମା ଓ ମିଳିବ କି ନାଇଁ ଏରିଅର

ଭୁବନେଶ୍ୱର/ନୂଆଦିଲ୍ଲୀ: କେନ୍ଦ୍ର ସରକାରଙ୍କ ଅଧୀନରେ କାର୍ଯ୍ୟ କରୁଥିବା କର୍ମଚାରୀଙ୍କ ସର୍ବନିମ୍ନ ଦରମା ୨୧,୦୦୦ ଟଙ୍କା କରିବାକୁ ଅର୍ଥ ମନ୍ତ୍ରାଳୟ ବିଚାର କରୁଛି। ଏବେ କେନ୍ଦ୍ର କର୍ମଚାରୀଙ୍କ ସର୍ବନିମ୍ନ ଦରମା ୧୮,୦୦୦ ଟଙ୍କା ରହିଛି। ଏଭଳି ଏକ ସ୍ଥିତିରେ କେନ୍ଦ୍ର କର୍ମଚାରୀମାନେ ଜାନୁଆରୀରୁ କେତେ ଟଙ୍କା ପାଇବେ ସେ ନେଇ ଦ୍ୱନ୍ଦ୍ୱରେ ଅଛନ୍ତି।

ଦରମା ବଢ଼ିବା ପରେ ସୃଷ୍ଟି ହେବାକୁ ଥିବା ଅସଙ୍ଗତିଗୁଡ଼ିକ ଉପରେ ବର୍ତ୍ତମାନ ଜାତୀୟ ଅସଙ୍ଗତି କମିଟି (ଏନ୍‌ଏସି) କାର୍ଯ୍ୟ କରୁଛି। ସମସ୍ତ ପକ୍ଷଙ୍କ ଯୁକ୍ତି ଶୁଣିବା ପରେ ଏନ୍‌ଏସି ସପ୍ତମ ବେତନ କମିଶନଙ୍କ ଦ୍ୱାରା ସୁପାରିଶ କରାଯାଇଥିବା ବେତନରେ ଅଳ୍ପ କିଛି ପରିବର୍ତ୍ତନ କରିପାରନ୍ତି। ଏନ୍‌ଏସି ସର୍ବନିମ୍ନ ବେତନକୁ ୩୦୦୦ ଟଙ୍କା ପର୍ଯ୍ୟନ୍ତ ବୃଦ୍ଧି କରିବାକୁ ସୁପାରିଶ କରିପାରନ୍ତି।

ଏନ୍‌ଏସି ଏନେଇ ଏକ ସବିଶେଷ ରିପୋର୍ଟ ପ୍ରସ୍ତୁତ କରିବ। ପରେ ଏହାକୁ ଡିପାର୍ଟମେଣ୍ଟ୍ ଅଫ୍ ଏକ୍ସପେଣ୍ଡିଚର ତର୍ଜମା କରିବ। ଯଦି ସବୁ ଠିକ୍‌ଠାକ୍ ରହେ ତା’ହେଲେ ସର୍ବନିମ୍ନ ଦରମା ୧୮,୦୦୦ରୁ ୨୧,୦୦୦ ଟଙ୍କାକୁ ବଢ଼ିବ। ନୂଆ ବେତନ ବ୍ୟବସ୍ଥା ୨୦୧୮ରୁ ଲାଗୁ ହେବ। ମିଳିଥିବା ସୂଚନା ମୁତାବକ କେନ୍ଦ୍ର ସରକାର ସର୍ବନିମ୍ନ ଦରମା ୨୧,୦୦୦ ଟଙ୍କା କରିବାକୁ ପ୍ରସ୍ତୁତ ଅଛନ୍ତି। କିନ୍ତୁ ବେତନ ବୃଦ୍ଧି ଉପରେ ଏରିଅର ଦେବାକୁ ସରକାର ରାଜି ନାହାନ୍ତି।

ଏଠାରେ ଉଲ୍ଲେଖଯୋଗ୍ୟ ଯେ ସର୍ବନିମ୍ନ ଦରମା ୧୮,୦୦୦ ଟଙ୍କାରୁ ୨୬,୦୦୦ ଟଙ୍କା କରିବାକୁ କେନ୍ଦ୍ର କର୍ମଚାରୀ ସଂଘ ପକ୍ଷରୁ ଦାବି କରାଯାଇଛି। ତେଣୁ କର୍ମଚାରୀମାନେ ଭାବୁଛନ୍ତି ଯେ ସର୍ବନିମ୍ନ ଦରମା ୨୧,୦୦୦ ଟଙ୍କା ହେଲେ ସେମାନଙ୍କର ଆର୍ଥିକ ସ୍ଥିତିରେ ବିଶେଷ କିଛି ଫରକ ପଡ଼ିବ ନାହିଁ। ସେଥିପାଇଁ ସେମାନେ ନରେନ୍ଦ୍ର ମୋଦିଙ୍କ ନେତୃତ୍ୱାଧୀନ ବିଜେପି ସରକାର କର୍ମଚାରୀ ବିରୋଧୀ ବୋଲି ମନେ କରୁଛନ୍ତି। ଏହାବ୍ୟତୀତ ସପ୍ତମ ବେତନ କମିଶନରୁ ସେମାନେ ଯାହା ଆଶା କରୁଥିଲେ ତାହା ପାଇନାହାନ୍ତି ବୋଲି ମନେ କରୁଛନ୍ତି।

ଆହୁରି ପଢ଼ନ୍ତୁ

କଂଗ୍ରେସରୁ ନିଲମ୍ବିତ ହେଲେ ସଞ୍ଜୟ ଝା

ଗେହଲଟଙ୍କ ବିରୋଧରେ ଖୋଲାଖୋଲି ଯୁଦ୍ଧ ଡାକରା ଦେଲେ ସଚିନଙ୍କ ସମର୍ଥକ

ଅନଲାଇନ କ୍ଲାସ ପାଇଁ ନୂଆ ଗାଇଡଲାଇନ ଜାରି କଲେ କେନ୍ଦ୍ର ସରକାର

ମହାରାଷ୍ଟ୍ରରେ କରୋନା ପ୍ରକୋପ ଜାରି: ଦିନକରେ ୨୧୩ ମୃତ, ୬୭୪୧ ପଜିଟିଭ

ଚାଇନାକୁ ବ୍ରିଟେନ ଝଟ୍‌କା: ଦେଶରେ ବ୍ୟାନ୍‌ ହେଲା ହୁୱେଇ

‘ରାମ ରାମ’: ସମର୍ଥକଙ୍କୁ ଧନ୍ୟବାଦ ଜଣାଇଲେ ସଚିନ ପାଇଲଟ

ଉଦ୍ଭିଦ ଜାତ ଖାଦ୍ୟ ଖାଇଲେ ରୋଗ ହେବାର ଆଶଙ୍କା ୫୦% କମିବ!‌

ବିଜେପି ମୁଖ୍ୟାଳୟରେ ପଶିଲା କରୋନା, ୨୦ରୁ ଅଧିକ ଆକ୍ରାନ୍ତ

୧୬ରୁ ୩୧ ଯାଏ ଲାଗୁ ହେବ ପୂରା ଲକଡାଉନ

ଏହି ରାଜ୍ୟର ବିଜେପି ମୁଖ୍ୟଙ୍କୁ କରୋନା, କ୍ୱାରେଣ୍ଟାଇନରେ ରାମ ମାଧବ ଓ କେନ୍ଦ୍ରମନ୍ତ୍ରୀ ଜିତେନ୍ଦ୍ର

ହସ୍ପିଟାଲରେ ଆଉ କେତେ ଦିନ ରହିବେ ବିଗ ବି ଓ ଅଭିଷେକ ବଚ୍ଚନ

୪ ବର୍ଷର ପୁଅ ଓ ସ୍ୱାମୀଙ୍କୁ ଏକାକରି ସବୁଦିନ ପାଇଁ ଚାଲିଗଲେ କରୋନା ଯୋଦ୍ଧା