ସରକାରୀ କର୍ମଚାରୀଙ୍କୁ ପୂଜା ଭେଟି ଦେଲେ ନବୀନ: ସେପ୍ଟେମ୍ୱର ୧ରୁ ସପ୍ତମ ବେତନ କମିଶନ

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ଦୁର୍ଗା ପୂଜା ପୂର୍ବରୁ ସରକାରୀ କର୍ମଚାରୀଙ୍କୁ ମିଳିଲା ଖୁସି ଖବର। ଦୀର୍ଘ ଦିନର ଅପେକ୍ଷା ପରେ ଆଜି ରାଜ୍ୟ ସରକାର ସପ୍ତମ ବେତନ କମିଶନ ଲାଗୁ କରିବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଘୋଷଣା କରିଛନ୍ତି। ସପ୍ଟେମ୍ୱର ୧ ତାରିଖରୁ ଏହି ନୂଆ ଦରମା ମିଳିବ। ଉପକୃତ ହେବେ ୪.୫ଲକ୍ଷ ସରକାରୀ କର୍ମଚାରୀ । ସେହିପରି ୩.୫ ଲକ୍ଷ ପେନସନ ଭୋଗୀ ଉପକୃତ ହେବେ । &nbsp;ସପ୍ତମ ବେତନ କମିଶନ ଲାଗୁ ନେଇ ପୂର୍ବରୁ ଅର୍ଥମନ୍ତ୍ରୀ ଶଶିଭୂଷଣ ବେହେରା କିଛି କହି ନଥିବା ବେଳେ ଖୁବ୍&zwnj;ଶୀଘ୍ର ସପ୍ତମ ବେତନ ଲାଗୁ ନେଇ ଇସାରା ଦେଇଥିଲେ। ହେଲେ ସପ୍ତମ ବେତନ କମିଶନ ଲାଗୁ ହେଲେ ରାଜ୍ୟ ରାଜକୋଷ ଉପରେ ୪୫୦୦କୋଟିର ବୋଝ ପଡ଼ିବ ।</p> <p>ସପ୍ତମ ବେତନ କମିଶନ ଲାଗୁ ପାଇଁ ଫିଟ୍&zwnj;ମେଣ୍ଟ କମିଟି ଗତ ଜୁନ୍&zwnj;ରୁ ରାଜ୍ୟ ସରକାରଙ୍କ ପାଖରେ ରିପୋର୍ଟ ଦେଇସାରିଥିଲେ। &nbsp;ଏଥିପାଇଁ ବାର୍ଷିକ ୪,୫୦୦ କୋଟିର ଆର୍ଥିକ ବୋଝ ପଡୁଥିବାରୁ ରାଜ୍ୟ ସରକାର କୌଣସି ନିଷ୍ପତ୍ତି ନେଇପାରୁ ନ ଥିଲେ। ଅନ୍ୟପକ୍ଷରେ ୨୦୧୬ ଜାନୁଆରୀରୁ କେନ୍ଦ୍ର ସରକାର ସପ୍ତମ ବେତନ କମିଶନଙ୍କ ସୁପାରିଶ୍ ଲାଗୁ କରିସାରିଥିବାରୁ ରାଜ୍ୟ ସରକାରଙ୍କ ଉପରେ ଏଥିପାଇଁ ଚାପ ବଢୁଥିଲା। ଏପରିକି ବରୋଧୀ ମଧ୍ୟ ସରକାରଙ୍କୁ ସମାଲୋଚନା କରିବାକୁ ପଛାଇ ନ ଥିଲେ। ଅନ୍ୟପକ୍ଷରେ ଚଳିତ ବଜେଟରେ ରାଜ୍ୟ ସରକାର ପ୍ରଶାସନିକ ଖର୍ଚ୍ଚ ବାବଦରେ ୪୭,୪୬୬ କୋଟି ଟଙ୍କା ବ୍ୟୟବରାଦ କରିଥିଲେ। ଏଥିରେ କର୍ମଚାରୀଙ୍କ ଦରମା ବାବଦରେ ୨୨,୦୦୦ କୋଟି ଓ ପେନସନ ବାବଦରେ ୧୧,୩୧୩ କୋଟି ଟଙ୍କା ବ୍ୟୟ କରାଯିବାର ଥିଲା।</p> <p>&amp;nbsp;</p>