ସୁରଟ୍: ଜୈନ୍ ସଂପ୍ରଦାୟର ଜଣେ ୮୨ ବର୍ଷୀୟ ବୃଦ୍ଧା କାଞ୍ଚନ ଦେବୀ ବୈଦ ମୃତ୍ୟୁ ପାଇଁ ସ୍ୱେଚ୍ଛାକୃତ ଭାବେ ଉପବାସ ଆରମ୍ଭ କରିଛନ୍ତି। ଏହାକୁ ଜୈନ ଧର୍ମରେ ସନ୍ଥରା ବୋଲି କୁହାଯାଏ। ଏହାକୁ ପାଳନ କରୁଥିବା ବ୍ୟକ୍ତି କୌଣସି ପ୍ରକାରର ଖାଦ୍ୟ ବା ପାଣି ଗ୍ରହଣ କରନ୍ତି ନାହିଁ। ଜୈନ୍ ସଂପ୍ରଦାୟର ଏହି ପୂରା ପ୍ରକ୍ରିୟାକୁ ‘ଫେଷ୍ଟିଭାଲ ଅଫ୍ ଡେଥ୍’ ବୋଲି ମଧ୍ୟ କୁହାଯାଏ।
ବୃଦ୍ଧା ଜଣଙ୍କ ନିଜର ଇଚ୍ଛାରେ ଜୀବନ ହାରିବାକୁ ଚାହିଁଛନ୍ତି। ଏଥିପାଇଁ ସେ ମେ’ ୧୧ରୁ ଉପବାସ ଆରମ୍ଭ କରିଛନ୍ତି। ତାଙ୍କ ନାତୁଣୀ ନିବେଦିତା ନଭଲାଖା କହିଛନ୍ତି, “ସନ୍ଥରା ଆମ ସଂସ୍କୃତିର ଏକ ଅଂଶ। ଏହା ଆମ ପାଇଁ ନୂଆ ନୁହେଁ। ପୂର୍ବରୁ ମଧ୍ୟ ଆମ ପରିବାର ଲୋକମାନେ ଏହାକୁ ପାଳନ କରିଥିବା ମୁଁ ଶୁଣିଥିଲି। କିନ୍ତୁ ପ୍ରଥମଥର ପାଇଁ ମୁଁ ଆଖି ସାମ୍ନାରେ ଏମିତି ଘଟଣା ଦେଖୁଛି। ଏହା ଦେଖିବା ସହଜ ନୁହେଁ। ହେଲେ ମୋ ଜେଜେମା’ ଏହାଦ୍ୱାରା ମୋକ୍ଷ ପାଇପାରିବେ।”
ନିବେଦିତାଙ୍କ କହିବା ଅନୁଯାୟୀ, ଜୈନ ଧର୍ମରେ ସନ୍ଥରାର ଅର୍ଥ ସମସ୍ତ କର୍ମକୁ ତ୍ୟାଗ କରି ମୋକ୍ଷ ପ୍ରାପ୍ତ ହେବା। ଏବେ ଲୋକମାନେ ବୃଦ୍ଧାଙ୍କ ଘରକୁ ଯାଇ ତାଙ୍କ ଆତ୍ମାର ସଦ୍ଗତି କାମନା କରୁଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
