ଶ୍ରୀନଗର: ଜମ୍ମୁ କଶ୍ମୀରର ବରମୁଲା ଜିଲ୍ଲାରୁ ଜଣେ ଆତଙ୍କବାଦୀକୁ ଗିରଫ କରିଛି ପୁଲିସ୍। ବରମୁଲାରେ ରେଲଓ୍ୱେ ନିଯୁକ୍ତି ପାଇଁ ରାଲି ଚାଲିଥିଲା। ଏହାରି ଭିତରେ ଆତଙ୍କବାଦୀ ଜଣଙ୍କ ଲୁଚିଥିଲା ବୋଲି ପୁଲିସ ଜାଣିବା ପରେ ଗିରଫ କରିଛି। ଏବେ ଆତଙ୍କବାଦୀ ଜଣକୁ ବିଭିନ୍ନ ପ୍ରସଙ୍ଗରେ ପଚରାଉଚରା କରୁଛି ପୁଲିସ୍। ଗିରଫ ଆତଙ୍କବାଦୀ ଜଣଙ୍କର ପରିଚୟ, ସେ କେଉଁ ଆତଙ୍କବାଦୀ ସଂଗଠନ ସହ ଜଡ଼ିତ ରହିଛି ସେ ନେଇ କୌଣସି ସୂଚନା ମିଳିନାହିଁ।
ଗିରଫ ବେଳେ ଆତଙ୍କବାଦୀ ପାଖରେ ଥିବା ହ୍ୟାଣ୍ଡ ଗ୍ରେନେଡକୁ ମଧ୍ୟ ପୁଲିସ ଜବତ କରିଛି। କୌଣସି ସ୍ଥାନରେ ଆକ୍ରମଣ କରିବାକୁ ଏହି ଆତଙ୍କବାଦୀ ଯୋଜନା କରୁଥିଲା ବୋଲି ପୁଲିସ ଜାଣିବାକୁ ପାଇଛି। ଏହା ପୂର୍ବରୁ ମଧ୍ୟ ସ୍ଥାନୀୟ ଲୋକଙ୍କୁ ଧମକ ଦେବାକୁ ଯାଇ କିଛି ଲୋକ ପୋଷ୍ଟର ମାରିଥିଲେ। ପୁଲିସ ସେମାନଙ୍କୁ ଗିରଫ କରିଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
