ନୂଆଦିଲ୍ଲୀ: ରେଷ୍ଟୁରାଣ୍ଟ୍ରେ ମନ ଇଚ୍ଛା ଖାଇଲେ ଓ ପିଇଲେ। ବିଲ୍ ହେଲା ୨୦ ହଜାର ଟଙ୍କା। କିନ୍ତୁ ବିଲ୍ ପେମେଣ୍ଟ୍ କରିବା ବଦଳରେ ଗ୍ରାହକମାନେ ରେଷ୍ଟୁରାଣ୍ଟ୍ରୁ କୌଶଳକ୍ରମେ ଖସି ଯିବା ପରେ ଦୌଡ଼ି ପଲାଇ ଗଲେ। ତେବେ ସିସିଟିଭି ଫୁଟେଜ୍ରୁ ସଂପୃକ୍ତ ଗ୍ରାହକମାନେ ଟଙ୍କା ନ ଦେଇ ଦୌଡ଼ି ପଳାଇବାର ଦୃଶ୍ୟକୁ ରେଷ୍ଟୁରାଣ୍ଟ୍ର ମାଲିକ ସୋଶାଲ୍ ମିଡିଆରେ ଶେୟାର୍ କରିବା ପରେ ଏହା ଖୁବ୍ ଭାଇରାଲ୍ ହୋଇଛି। ଏହି ଭିଡିଓକୁ ଲକ୍ଷାଧିକ ଲୋକ ଦେଖିଥିବାବେଳେ ହଜାର ହଜାର ସଂଖ୍ୟାରେ ଏହାକୁ ଶେୟାର୍ ମଧ୍ୟ କରିଛନ୍ତି।
ଘଟଣାଟି ଇଲଣ୍ଡର ଡେବନ୍ରେ ଘଟିଛି। ଏଠାକାର ପିଅର୍ ହାଉସ୍ ନାମକ ଏକ ରେଷ୍ଟୁରାଣ୍ଟ୍କୁ ୬ଜଣ ଲୋକ ଖାଇବା ପାଇଁ ଆସିଥିଲେ। ଏମାନଙ୍କ ମଧ୍ୟରେ ୩ ଜଣ ପୁରୁଷ ଓ ୩ ଜଣ ମହିଳା ଥିଲେ। ଏମାନେ ଏକାଠି ଖାଇବା ସହ ମଦ୍ୟପାନ ମଧ୍ୟ କରିଥିଲେ। କିନ୍ତୁ ବିଲ୍ ପେମେଣ୍ଟ୍ ନ କରି ଏମାନେ ସମସ୍ତେ ଦୌଡ଼ି ପଳାଇ ଥିଲେ।
ଅଭିଯୁକ୍ତମାନେ ଖାଇ ସାରିବା ପରେ ଦୌଡ଼ି ପଳାଉଥିବାର ଫୁଟେଜ୍କୁ ଶେୟାର୍ କରି ରେଷ୍ଟୁରାଣ୍ଟ୍ ମାଲିକ୍ ତାଙ୍କ ପୋଷ୍ଟ୍ରେ ଲେଖିଛନ୍ତି, ‘ଏହି ଲୋକମାନେ ବିଲ୍ ନ ଦେଇ ପଳାଇଛନ୍ତି ଏହଂ ପୋଲିସ୍ ସେମାନଙ୍କ ସହ କଥା ହେବାକୁ ଚାହୁଁଛି।’
ଅଭିଯୁକ୍ତମାନଙ୍କୁ କେବେ ବି ଛଡ଼ାଯିବ ନାହିଁ ବୋଲି ରେଷ୍ଟୁରାଣ୍ଚ୍ ପକ୍ଷରୁ କୁହାଯାଇଛି। ମିଳିଥିବା ସୂଚନା ଅନୁସାରେ, ଏ ସମ୍ପର୍କରେ ଅଭିଯୋଗ ପାଇବା ପରେ ସ୍ଥାନୀୟ ପୋଲିସ୍ ଏହାର ତଦନ୍ତ ଆରମ୍ଭ କରିଛି।
https://www.facebook.com/robert.braddick.7/videos/2447738705239690/
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
