ନୂଆଦିଲ୍ଲୀ: ୧୯ ତାରିଖ ଦିନ ପ୍ରକାଶ ପାଇଥିବା ଚଳିତ ସାଧାରଣ ନିର୍ବାଚନର ଏକଜିଟ ପୋଲକୁ ନେଇ ବିରୋଧୀ ପୁଣି ଇଭିଏମ୍ ପ୍ରସଙ୍ଗ ଉଠାଇଛନ୍ତି। ଆଜି ପୁଣି କଂଗ୍ରେସ ସମେତ ୨୧ଟି ବିରୋଧୀ ଦଳ ନିର୍ବାଚନ କମିଶନଙ୍କୁ ଭେଟିବେ ବୋଲି ଜଣାପଡ଼ିଛି। ଆଞ୍ଚଳିକ ଦଳ ଗୁ଼ଡ଼ିକ ଭଲ ପ୍ରଦର୍ଶନ କରିବ ବୋଲି ଆଶା ରହିଥିଲା, ହେଲ ଏକଜିଟ ପୋଲରେ ଏହାର ବିପରୀତ ଦେଖି ଏବେ ଇିଭିଏମ୍ ଓ ଭିଭିପ୍ୟାଟ ପ୍ରସଙ୍ଗ ଉଠାଇଛନ୍ତି ବିରୋଧୀ।
ନିକଟରେ ପ୍ରକାଶ ପାଇଥିବା ଏକଜିଟ ପୋଲର ରିପୋର୍ଟ ଅନୁଯାୟୀ ଏନ୍ଡିଏ ୩୦୪ଟି ଆସନ ଜିତିବାର ସମ୍ଭାବନା ଥିବା ବେଳେ ୟୁପିଏ ୧୧୮ଟି ଓ ଅନ୍ୟାନ୍ୟ ଦଳ ୧୨୦ଟି ଆସନ ଜିତିବ ବୋଲି ପୂର୍ବାନୁମାନ ହୋଇଛି।
ତେବେ ଏହି ବୁଥ ବାହୁ଼ଡ଼ା ମତକୁ ନେଇ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ କହିଥିଲେ ଏକଜିଟ ପୋଲ କେବେ ଏକ୍ଜାଟ୍ ପୋଲ ହୋଇନଥାଏ। ଶାସକ ଦଳ ବିଜେପିକୁ ଖୁସି କରାଇବା ପାଇଁ ଏପରି ଫଳାଫଳ ପ୍ରକାଶ କରାଯାଇଛି। ସେହିପରି ଗତକାଲି ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁ ତଥା ଟିଡିପି ସୁପ୍ରିମୋ ପ୍ରତିକ୍ରିୟାରେ କହିଥିଲେ ବିରୋଧୀ ଇଭିଏମ୍-ଭିଭିପ୍ୟାଟର ୫୦ ପ୍ରତିଶତ ଭୋଟ ମିଳାଇବା ପାଇଁ ବାରମ୍ୱାର ନିର୍ବାଚନ କମିଶନଙ୍କ ନିକଟରେ ଦାବି କରୁଛନ୍ତି। ହେଲେ ନିର୍ବାଚନ କମିଶନ ବିରୋଧୀଙ୍କ ଦାବିକୁ ଗୁରୁତ୍ୱ ନଦେବା ନିର୍ବାଚନରେ ସ୍ୱଚ୍ଛତାକୁ ନେଇ ପ୍ରଶ୍ନ ଉଠାଇଛି ବୋଲି ସେ କହିଥିଲେ।
ସେହିପରି କର୍ଣ୍ଣାଟକ ମୁଖ୍ୟମନ୍ତ୍ରୀ କୁମାରସ୍ୱାମୀ ମଧ୍ୟ ଇଭିଏମ ସହିତ ଭିଭିପ୍ୟାଟର ୫୦ ପ୍ରତିଶତ ଭୋଟ ମିଳାଇବା ପାଇଁ ଦାବି କରିଛନ୍ତି।
Entire Opposition political parties had expressed concern over credibility of EVMs under PM @narendramodi's rule.
Opposition parties even knocked the doors of the Supre Court asking for a traditional ballet paper elections to avoid defective EVMs that are vulnerable to fraud.
— H D Kumaraswamy (@hd_kumaraswamy) May 20, 2019
ଗତକାଲି ଏକଜିଟ ପୋଲ ଦେଖି ଆଗାମୀ ରଣନୀତି ପ୍ରସ୍ତୁତ କରିବା ପାଇଁ କଂଗ୍ରେସ ବିଜେପି ବିରୋଧୀ ଦଳ ଗୁଡ଼ିକୁ ବୈଠକ ପାଇଁ ଡକାଇଥିଲା। ହେଲେ ବିଏସପି, ଟିଏମ୍ସି ଏହି ବୈଠକକୁ ଆସିନଥିଲେ। ଯାହାକି ବିରୋଧୀଙ୍କ ଏକୀକରଣ ଉପରେ ପ୍ରଶ୍ନ ଉଠାଇଛି। ଏହି ବୈଠକ ୨୪ ତାରିଖ ଦିନ ହେବ ବୋଲି ଜଣାପଡ଼ିଛି।
ସେହିପରି ଆଜି ନିର୍ବାଚନ କମିଶନଙ୍କ ନିକଟକୁ ଯେଉଁ ବିରୋଧୀ ଦଳ ଯିବେ ସେଥିରେ ଟିଏମ୍ସିରୁ ଡାରେକ ଓବ୍ରେନ ଯୋଗ ଦେବେ ବୋଲି ସୂଚନା ମିଳିଥିବା ବେଳେ ବହୁଜନ ସମାଜ ପାର୍ଟି ଏବଂ ସମାଜବାଦୀ ପାର୍ଟିର ନେତା ଯୋଗ ଦେବେ କି ନାହିଁ ତାହା ସ୍ପଷ୍ଟ ହୋଇ ନାହିଁ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
