ନୂଆଦିଲ୍ଲୀ: ଏୟାର ଇଣ୍ଡିଆର ପ୍ୟାରିସରୁ ଦିଲ୍ଲୀ ଆସୁଥିବା ବିମାନ ଯାନ୍ତ୍ରିକ ତ୍ରୁଟି ଯୋଗୁଁ ୪୦ରୁ ଅଧିକ ଭାରତୀୟ ସ୍କୁଲ ଛାତ୍ରଙ୍କୁ ପ୍ୟାରିସ ବିମାନ ବନ୍ଦରରେ ରାତି କଟାଇବକୁ ପଡିଛି।
ଏୟାର ଇଣ୍ଡିଆ ବିମାନ ଏଏଲ୍ ୧୪୨ ଜୁନ ୧୬ତାରିଖ ରାତି ୧୦ଟାରେ ପ୍ୟାରିସ ଛାଡିବାର ଥିଲା । ଯାନ୍ତ୍ରିକ ତ୍ରୁଟି ଯୋଗୁଁ ବିମାନଟି ଉଡିବାରେ ବିଳମ୍ୱ ହୋଇଥିଲା । କେଆର ମଙ୍ଗଳମ୍ ୱାର୍ଲ୍ଡ ସ୍କୁଲର ୪୦ରୁ ଅଧିକ ଛାତ୍ର ବିମାନରେ ଆସିବାର ଥିଲା। ଏମାନେ ସବୁ ୟୁରୋପ ଟୁରରେ ଯାଇଥିଲେ । ଏୟାର ଇଣ୍ଡିଆ କର୍ତ୍ତୃପକ୍ଷ ରାତିରେ ପିଲାମାନଙ୍କ ରହିବା, ଖାଇବାର ବ୍ୟବସ୍ଥା କରିବାର ଥିଲା । ମାତ୍ର ଏହା କରା ନ ଯିବାରୁ ପିଲାମାନଙ୍କୁ ଭୋକ ଉପାସରେ ରାତି ସାରା ବିମାନ ବନ୍ଦରରେ ରାତି କାଟିବାକୁ ପଡିଥିଲା । ଏହି ଘଟଣା ସମ୍ପର୍କରେ ଏୟାର ଇଣ୍ଡିଆର କୌଣସି ଅଧିକାରୀ କିମ୍ୱା ବିଭାଗୀୟ ମନ୍ତ୍ରୀଙ୍କ ପ୍ରତିକ୍ରିୟା ମିଳିପାରିନାହିଁ ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
