ନୂଆଦିଲ୍ଲୀ: ଅଣ୍ଡରୱାର୍ଲ୍ଡ ଡନ୍ ଛୋଟା ରାଜନକୁ ଆଜି ବାଲିରୁ ଭାରତକୁ ଅଣାଯାଉଛି। କଡ଼ା ସୁରକ୍ଷା ମଧ୍ୟରେ ଡେପସର ପୋଲିସ ଷ୍ଟେସନରୁ ବାଲି ବିମାନ ବନ୍ଦରକୁ ରାଜନକୁ ଅଣାଯାଇଥିଲା।
ଭାରତରେ ଆସି ପହଞ୍ଚିବା ପରେ ତାକୁ ଦିଲ୍ଲୀସ୍ଥିତ ସିବିଆଇ ଅଫିସରେ ରଖାଯିବ। ଛୋଟା ରାଜନର ଜୀବନ ପ୍ରତି ବିପଦ ଥିବାରୁ ଦିଲ୍ଲୀ ପୋଲିସ ଓ ସୁରକ୍ଷା ଏଜେନ୍ସି ଆଲର୍ଟ ଜାରି କରିଛି। ରାଜନକୁ ସିବିଆଇ ପଟିଆଲା ହାଉସ୍ କୋର୍ଟରେ ହାଜର କରାଯିବ ବୋଲି ଜଣାପଡିଛି। ଏହାସହ ଦିଲ୍ଲୀ ପୋଲିସ ମଧ୍ୟ ଛୋଟା ରାଜନକୁ ପଚାରାଉଚରା କରିପାରେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।