ଜାମ୍ମୁ: ଗୃହମନ୍ତ୍ରୀ ରାଜନାଥ ସିଂ ଆଜି ଅମରନାଥରେ ପହଞ୍ଚି ଅମରନାଥ ଯାତ୍ରା ପାଇଁ ସୁରକ୍ଷା ବ୍ୟବସ୍ଥା ଓ ଶ୍ରଦ୍ଧାଳୁଙ୍କ ରହିବା ବିଷୟରେ ପଚାରି ବୁଝିଥିଲେ। ଏହାସହ ସେ ଟ୍ୱିଟରରେ ଅମରନାଥ ଯାତ୍ରାର ଫଟୋ ସେୟାର କରିଥିଲେ।
ସେ କହିଛନ୍ତି, “ଅମରନାଥର ସୁରକ୍ଷା ବ୍ୟବସ୍ଥାକୁ ନେଇ ମୁଁ ସନ୍ତୁଷ୍ଟ । ଜାମ୍ମୁ-କାଶ୍ମୀରରେ କିଛି ଦିନ ହେବ କିଛି ଆତଙ୍କୀ ଘଟଣା ଘଟିଛି। ଏହାକୁ ଡରିବାର କିଛି କାରଣ ନାହିଁ। ଆତଙ୍କବାଦୀଙ୍କ ମୁକାବିଲା ପାଇଁ ଆମେ ପ୍ରସ୍ତୁତ ଅଛୁ।”
ସେ ଆହୁରି କହିଛନ୍ତି, “ମୁଖ୍ୟମନ୍ତ୍ରୀ ମେହବୁବା ମୁଫ୍ତି ଜାମ୍ମୁ ଓ କାଶ୍ମୀର ବିକାଶ ପାଇଁ କାମ କରୁଛନ୍ତି। ମୁଫ୍ତି ଜାମ୍ମୁ ଓ କାଶ୍ମୀର ସୁରକ୍ଷା ପାଇଁ ଯେଉଁ ପଦକ୍ଷେପ ନେଇଛନ୍ତି, ମୁଁ ସେଥିରେ ବହୁତ ଖୁସି।”
ନିଜ ଗସ୍ତ କାଳରେ ଗୃହମନ୍ତ୍ରୀ ବାବା ବର୍ଫନିଙ୍କ ଦର୍ଶନ କରିଥିଲେ।