ନୂଆଦିଲ୍ଲୀ: “ଭାରତରେ ଅନୁପ୍ରବେଶ ପାଇଁ ପାକିସ୍ତାନ ସୀମାରେ ବହୁ ସଂଖ୍ୟାରେ ଆତଙ୍କବାଦୀ ଠୁଳ ହୋଇଛନ୍ତି। ଆମେ ବି ପ୍ରସ୍ତୁତ ଅଛୁ ଓ ସେମାନଙ୍କ ଅନୁପ୍ରବେଶକୁ ସ୍ୱାଗତ କରୁଛୁ। ସେମାନେ ସୀମା ଡେଇଁଲେ ଆମେ ତାଙ୍କୁ ଅଢ଼େଇ ଫୁଟ୍ ମାଟି ତଳେ ପୋତି ଦେବୁ।” ପାକିସ୍ତାନ ଓ ଆତଙ୍କବାଦୀଙ୍କୁ ସୋମବାର ରାତିରେ ଏପରି କଡ଼ା ଶବ୍ଦରେ ଚେତାବନୀ ଦେଇଛନ୍ତି ସେନା ପ୍ରମୁଖ ଜେନେରାଲ ବିପିନ ରାୱତ।
ପୁଣି ହେବ ସର୍ଜିକାଲ ଷ୍ଟ୍ରାଇକ୍
ଦରକାର ପଡିଲେ ପୁଣି ସର୍ଜିକାଲ ଷ୍ଟ୍ରାଇକ୍ କରିବୁ ବୋଲି ମଧ୍ୟ ରାୱତ ଚେତାବନୀ ଦେଇଛନ୍ତି। ସେ କହିଛନ୍ତି- “ସର୍ଜିକାଲ ଷ୍ଟ୍ରାଇକ୍ ଜରିଆରେ ସୁଧିରି ଯିବାକୁ ପାକିସ୍ତାନକୁ ସଙ୍କେତ ଦେବାର ଥିଲା ଓ ଆମେ ଦେଲୁ। ଯଦି ସେମାନେ (ପାକିସ୍ତାନ) ଏହାକୁ ବୁଝି ନପାରିବ, ଭବିଷ୍ୟତରେ ପୁଣି ସର୍ଜିକାଲ ଷ୍ଟ୍ରାଇକ୍ କରାଯିବ।”
ସର୍ଜିକାଲ ଷ୍ଟ୍ରାଇକ୍ର ପ୍ରତିଶୋଧ ନେବାକୁ ଆସିଥିଲେ ଆତଙ୍କବାଦୀ
ଜମ୍ମୁ କାଶ୍ମୀରର ଉରୀ ସେକ୍ଟରରେ ମୃତ୍ୟୁବରଣ କରିଥିବା ୪ ଆତଙ୍କବାଦୀ ଜୈଶ-ଏ-ମହମ୍ମଦର ସଦସ୍ୟ ବୋଲି ଜଣାପଡିଛି। ଏମାନେ ସର୍ଜିକାଲ ଷ୍ଟ୍ରାଇକ୍ର ପ୍ରତିଶୋଧ ନେବାକୁ ଅନୁପ୍ରବେଶ କରିଥିଲେ ବୋଲି ସେନା ପକ୍ଷରୁ କୁହାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
