ଅନୁପ୍ରବେଶ ଉଦ୍ୟମ ଭଣ୍ଡୁର, ସୀମା ସେପଟେ ଆହୁରି ୩୦୦ ଆତଙ୍କୀ ହମଲା ପାଇଁ ତୟାର

ଶ୍ରୀନଗର: ପାକିସ୍ତାନ ପଟୁ ଭାରତରେ ଅନୁପ୍ରବେଶ କରିବାକୁ ଉଦ୍ୟମ କରୁଥିବା ଆତଙ୍କୀଙ୍କ ସବୁ ଯୋଜନାକୁ ପଣ୍ଡ କରିଦେଇଛି ସେନା। ଜମ୍ମୁ-କଶ୍ମୀରର ନୌଗାମ ଏଲଓସି ଦେଇ କିଛି ଆତଙ୍କବାଦୀ ଅନୁପ୍ରବେଶ କରିବାକୁ ଚେଷ୍ଟା କରିଥିଲେ। ହେଲେ ସୁରକ୍ଷାକର୍ମୀଙ୍କ ଗୁଳିରେ ୨ ଜଣ ଆତଙ୍କୀ ନିହତ ହୋଇଛନ୍ତି। ତେବେ ସୀମା ସେପାଖରେ ଥିବା ଲଞ୍ଚ ପ୍ୟାଡ୍‌ରେ ଆହୁରି ୨୫୦ରୁ ୩୦୦ ଆତଙ୍କବାଦୀ ଭାରତରେ ଅନୁପ୍ରବେଶ କରି ହମଲା କରିବାକୁ ତୟାର ଥିବା ଆଜି ସେନା ପକ୍ଷରୁ କୁହାଯାଇଛି। ପାକିସ୍ତାନର ଷଡ଼ଯନ୍ତ୍ରର […]

yu

yu

Hemant Lenka
  • Published: Saturday, 11 July 2020
  • Updated: 11 July 2020, 01:51 PM IST

Sports

Latest News

ଶ୍ରୀନଗର: ପାକିସ୍ତାନ ପଟୁ ଭାରତରେ ଅନୁପ୍ରବେଶ କରିବାକୁ ଉଦ୍ୟମ କରୁଥିବା ଆତଙ୍କୀଙ୍କ ସବୁ ଯୋଜନାକୁ ପଣ୍ଡ କରିଦେଇଛି ସେନା। ଜମ୍ମୁ-କଶ୍ମୀରର ନୌଗାମ ଏଲଓସି ଦେଇ କିଛି ଆତଙ୍କବାଦୀ ଅନୁପ୍ରବେଶ କରିବାକୁ ଚେଷ୍ଟା କରିଥିଲେ। ହେଲେ ସୁରକ୍ଷାକର୍ମୀଙ୍କ ଗୁଳିରେ ୨ ଜଣ ଆତଙ୍କୀ ନିହତ ହୋଇଛନ୍ତି।

ତେବେ ସୀମା ସେପାଖରେ ଥିବା ଲଞ୍ଚ ପ୍ୟାଡ୍‌ରେ ଆହୁରି ୨୫୦ରୁ ୩୦୦ ଆତଙ୍କବାଦୀ ଭାରତରେ ଅନୁପ୍ରବେଶ କରି ହମଲା କରିବାକୁ ତୟାର ଥିବା ଆଜି ସେନା ପକ୍ଷରୁ କୁହାଯାଇଛି।

ପାକିସ୍ତାନର ଷଡ଼ଯନ୍ତ୍ରର ପର୍ଦ୍ଦାଫାସ କରିବାକୁ ଯାଇ ସେନାର ମୁଖପାତ୍ର କର୍ଣ୍ଣେଲ ରାଜେଶ କାଲିଆ କହିଛନ୍ତି, ଆଜି ଭୋର ସମୟରେ ନୌଗାମ ଏଲଓସିରେ କିଛି ସନ୍ଦିଗ୍ଧ ଗତିବିଧି ଲକ୍ଷ୍ୟ କରାଯାଇଥିଲା। ଏହାପରେ ସୁରକ୍ଷାକର୍ମୀଙ୍କ ପକ୍ଷରୁ ଅପରେସନ ଆରମ୍ଭ ହୋଇଥିଲା।

ଏହି ସମୟରେ ଦୁଇ ଜଣ ଆତଙ୍କୀ ନିହତ ହୋଇଛନ୍ତି। ଆଉ କିଛି ପୁଣି ପାକିସ୍ତାନ ପଟକୁ ଚାଲି ଯାଇଛନ୍ତି। ନିହତ ଆତଙ୍କୀଙ୍କ ପାଖରୁ ୨ଟି ଏକେ ଆସଲଟ ରାଇଫଲ, ୧୨ଟି ଗୁଳି ଭର୍ତ୍ତି ମାଗାଜିନ, ଗୋଟିଏ ପିସ୍ତଲ ଓ କିଛି ଗ୍ରେନେଡ ଜବତ କରାଯାଇଛି। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା, ଏହି ଆତଙ୍କୀଙ୍କ ପାଖରେ ୧.୫ ଲକ୍ଷର ଭାରତୀୟ ଓ ପାକିସ୍ତାନ ମୁଦ୍ରାର ଅର୍ଥ ରହିଥିଲା।

ଅନ୍ୟପକ୍ଷରେ ଆଉ ଏକ ସାମ୍ବାଦିକ ସମ୍ମଳନୀରେ ମେଜର ଜେନରାଲ ବୀରେନ୍ଦ୍ର ବାସ୍ତବ କହିଛନ୍ତି, ସୀମା ସେପଟେ ଏକାଧିକ ଲଞ୍ଚ ପ୍ୟାଡ୍‌ରେ ଆତଙ୍କବାଦୀମାନେ ଭାରତରେ ପ୍ରବେଶ ପାଇଁ ଅପେକ୍ଷା କରି ରହିଛନ୍ତି। ସେମାନଙ୍କର ସଂଖ୍ୟା ପ୍ରାୟ ୨୫୦ରୁ ୩୦୦ ହେବ। ତେବେ ସେମାନଙ୍କର ମୁକାବିଲା ପାଇଁ ଭାରତୀୟ ଯବାନ ପ୍ରସ୍ତୁତ ହୋଇ ରହିଛନ୍ତି।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos