ଲକ୍ଷ୍ନୌ: ଭାରତୀୟ ଅର୍ଥନୀତି ଦ୍ରୁତଗତିରେ ଅଭିବୃଦ୍ଧି କରୁଛି। ଗତବର୍ଷ ଚୀନ ଓ ଆମେରିକାଠାରୁ ଭାରତରେ ଅଧିକ ପୁଞ୍ଜିନିବେଶ ହୋଇଛି ବୋଲି କେନ୍ଦ୍ର ଗୃହମନ୍ତ୍ରୀ ରାଜନାଥ ସିଂ ଆଜି ଲକ୍ଷ୍ନୌରେ ପ୍ରକାଶ କରିଛନ୍ତି।
ସିଂ କହିଛନ୍ତି, “ଗତବର୍ଷ ଚୀନ ଓ ଆମେରିକା ତୁଳନାରେ ଭାରତରେ ଅଧିକ ୫୧ ବିଲିୟନ ଆମେରିକୀୟ ଡଲାର ଅଧିକ ନିବେଶ ହୋଇଥିଲା। ସେ ଦିନ ଆଉ ଦୂର ନୁହେଁ ଯେବେ ଭାରତ ଆର୍ଥିକ ମହାଶକ୍ତି ଭାବେ ଉଭା ହେବ।”
ସେ କହିଥିଲେ, “ଅଟଳ ବିହାରୀ ବାଜପେୟୀ ସରକାର ଅସିବା ଆଗରୁ ଭାରତର ଅର୍ଥ ବ୍ୟବସ୍ଥା ନାକାରାତ୍ମକ ଥିଲା। ତାଙ୍କ ଶାସନ କାଳରେ ଅଭିବୃଦ୍ଧି ହାର ୮.୪ ପ୍ରତିଶତରେ ପହଞ୍ଚିଥିଲା। ୟୁପିଏ ଶାସନର ୧୦ ବର୍ଷରେ ଏହା ଖସି ଯାଇଥିଲା। ଗତ ଦୁଇବର୍ଷରେ ଅଭିବୃଦ୍ଧି ୬ରୁ କିମ ଥିବା ବେଳେ ଏବେ ଏହା ୭.୬ ପ୍ରତିଶତରେ ପହଞ୍ଚି ଯାଇଛି।
ସେ କହିଛନ୍ତି, “ଭାରତୀୟ ରେଳ ଶ୍ରେଷ୍ଠ ପ୍ରଦର୍ଶନ କରୁଛି। ଏଥିରେ ବହୁ କୋଟି ଟଙ୍କା ବିନିଯୋଗ ହୋଇଛି। ଆଗାମୀ ଦିନରେ ଭାରତର ଯାତ୍ରୀମାନେ ବିକଶିତ ଦେଶର ଯାତ୍ରୀଙ୍କଠାରୁ ଅଧିକ ସୁବିଧା ପାଇପାରିବେ।”
ରେଳମନ୍ତ୍ରୀ ମନୋଜ ସିହ୍ନା କହିଛନ୍ତି, “ରେଳବାଇ କ୍ଷେତ୍ରରେ ପୁଞ୍ଜିନିବେଶ ଗତବର୍ଷ ୪୮,୦୦୦ କୋଟି ଟଙ୍କାରୁ ୧ ଲକ୍ଷ କୋଟି ଟଙ୍କାକୁ ବୃଦ୍ଧି ପାଇଥିଲା। ଏହା ଆହୁରି ବଢି ୧.୨୧ ଲକ୍ଷ କୋଟି ଟଙ୍କାରେ ପହଞ୍ଚିଲାଣି।”