ନୂଆଦିଲ୍ଲୀ: ଅସୁସ୍ଥତା କାରଣରୁ ଦୀର୍ଘ ୩ ମାସ ହେଲା ମନ୍ତ୍ରାଳୟ ଦାୟିତ୍ୱରୁ ଅସ୍ଥାୟୀ ଭାବେ ଅବ୍ୟାହତି ନେଇଥିବା କେନ୍ଦ୍ର ଅର୍ଥମନ୍ତ୍ରୀ ଅରୁଣ ଜେଟଲୀ ଏବେ ସଂପୂର୍ଣ୍ଣ ସୁସ୍ଥ। ଖୁବ୍ଶୀଘ୍ର ସେ ନିଜ ଦାୟିତ୍ୱକୁ ଫେରିବେ ବୋଲି ସୂଚନା ମିଳିଛି।
ଜେଟଲୀ ଫେରିବା ଖବର ସାମ୍ନାକୁ ଆସିବା ପରେ ନର୍ଥ ବ୍ଲକ ସ୍ଥିତ ଅର୍ଥମନ୍ତ୍ରାଳୟ କାର୍ଯ୍ୟାଳୟରେ ସଫାସୁତରା ଆରମ୍ଭ ହୋଇଛି। ପୂର୍ବାପେକ୍ଷା ଏଥର କାର୍ଯ୍ୟାଳୟ ପରିସରରେ ସଫେଇକୁ ସ୍ୱତନ୍ତ୍ର ଧ୍ୟାନ ଦିଆଯାଇଛି।
ଜେଟଲୀଙ୍କ କିଡ୍ନୀ ପ୍ରତିରୋପଣ କରାଯାଇଥିବାରୁ ଯେମିତି ସଂକ୍ରମଣ ନ ହେବ, ସେଥିପ୍ରତି ଗୁରୁତ୍ୱ ଦିଆଯାଉଛି। ଏଥିପାଇଁ ନର୍ଥ ବ୍ଲକରର ପ୍ରଥମ ଫ୍ଲୋରକୁ ନୂଆ କରି ତିଆରି କରାଯାଉଛି।
ଖୁବ୍ଶୀଘ୍ର ଜେଟ୍ଲୀ କାର୍ଯ୍ୟରେ ଯୋଗଦେବେ ବୋଲି ଜଣେ ଅଧିକାରୀ ନିଜ ନାମ ଗୋପନ ରଖି କହିଛନ୍ତି। ତେବେ ଜେଟଲୀଙ୍କ ହାତରେ ଅର୍ଥ ବିଭାଗ ଆଗକୁ ରହିବ କି ନାହିଁ, ସେନେଇ ବିଭିନ୍ନ ମହଲରେ ମଧ୍ୟ ଆଲୋଚନା ହେଉଛି।
ଜେଟ୍ଲୀ ଅସୁସ୍ଥ ହେବାରୁ ପୀୟୂଷ ଗୋଏଲ ଅର୍ଥ ବିଭାଗର ଅତିରିକ୍ତ ଦାୟିତ୍ୱ ନିର୍ବାହ କରୁଛନ୍ତି। ଅସୁସ୍ଥ ଥିଲେ ମଧ୍ୟ ଜେଟ୍ଲୀ ସୋଶାଲ୍ ମଡିଆରେ ବେଶ ସକ୍ରିୟ ଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
