ନୂଆଦିଲ୍ଲୀ: ରାଜ୍ୟସଭାରେ ଶୁକ୍ରବାର ବିଏସପି ସୁପ୍ରିମୋ ମାୟାବତୀ କେନ୍ଦ୍ରମନ୍ତ୍ରୀ ବି.କେ ସିଂଙ୍କ ବିବାଦୀୟ ବୟାନ ପ୍ରସଙ୍ଗ ଉଠାଇଥିଲେ। ଏହାକୁ ନେଇ ଗୃହରେ ହଟ୍ଟଗୋଳ ଦେଖାଯାଇଥିଲା। ବିରୋଧୀ ଦଳ ମାୟାବତୀଙ୍କୁ ସମର୍ଥନ କରି ବି.କେ ସିଂଙ୍କ ବିରୋଧରେ ନରାବାଜି କରିଥିଲେ। ସରକାର ତାଙ୍କୁ ବରଖାସ୍ତ କରନ୍ତୁ ବୋଲି ବିଏସପି ଓ କଂଗ୍ରେସ ସାଂସଦମାନେ ଦାବି କରିଥିଲେ।
ସୂଚନାଯୋଗ୍ୟ, ହରିୟାଣାରେ ଦୁଇ ଦଳିତ ଶିଶୁକୁ ପୋଡ଼ି ମାରି ଦେବା ଘଟଣାରେ ଗତ ଅକ୍ଟୋବର ୨୨ରେ ବି.କେ ସିଂ କହିଥିଲେ ଯେ, ଏହା ଏକ ପାରିବାରିକ ମାମଲା ଥିଲା। ପ୍ରତି ଘଟଣାକୁ ନେଇ କେନ୍ଦ୍ର ସରକାରଙ୍କୁ ଟାର୍ଗେଟ୍ କରିବା ଉଚିତ୍ ନୁହେଁ । ଯଦି କୁକୁରକୁ କୌଣସି ବ୍ୟକ୍ତି ପଥରରେ ଆକ୍ରମଣ କରେ ତା’ହେଲେ କେନ୍ଦ୍ର ସରକାର ଏଥିରେ କ’ଣ କରିପାରିବେ। ବି.କେ ସିଂଙ୍କ ଏହି ବୟାନକୁ ନେଇ ସେହି ସମୟରେ ମଧ୍ୟ ବିବାଦ ଲାଗି ରହିଥିଲା। ଏହାପରେ ସେ କହିଥିଲେ ଯେ, ତାଙ୍କ ବୟାନକୁ ଭୁଲ୍ ରୂପରେ ପରିବେଷଣ କରାଯାଇଛି।
ସେହିଭଳି ଆଜି ରାମ ମନ୍ଦିର ପ୍ରସଙ୍ଗରେ ମୋହନ ଭାଗବତ ବୟାନକୁ ନେଇ ମଧ୍ୟ ଗୃହରେ ହଟ୍ଟଗୋଳ ହୋଇଥିଲା। କୋଲକତାରେ ମୋହନ ଭାଗବତ କହିଥିଲେ ଯେ, ରାମ ମନ୍ଦିର ନିହାତି ନିର୍ମାଣ ହେବ। ଏଥିପାଇଁ ଜୀବନ ଦେବାକୁ ପ୍ରସ୍ତୁତ ରହିବା ଦରକାର।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
