ଇଡ୍ଡୁକି: କେରଳର ଇଡ୍ଡୁକି ଜିଲ୍ଲାର ଜଣେ ପାଉଁରୁଟି ଦୋକାନୀ ଏବେ ସମଗ୍ର ଜିଲ୍ଲା ପାଇଁ ଚିନ୍ତାର କାରଣ ପାଲଟିଛନ୍ତି। ଏବେ ଏହି ପାଉଁରୁଟି ବିକାଳି କରୋନାରେ ଆକ୍ରାନ୍ତ ହୋଇଛନ୍ତି। ଲକଡାଉନ୍ ବେଳେ ସେ ଦୋକାନରେ ପାଉଁରୁଟି ବିକ୍ରି କରୁଥିଲେ। ଏହି ସମୟରେ ସେ ୫୦୦ରୁ ଅଧିକ ଲୋକଙ୍କ ସଂସ୍ପର୍ଶରେ ଆସିଥିବା ଜଣାପଡ଼ିଛି। ଏବେ ଇଡ୍ଡୁକି ଜିଲ୍ଲାର ଦୁଇଟି ଗାଁକୁ କଣ୍ଟେନମେଣ୍ଟ ଜୋନ୍ ଭାବେ କେରଳ ସରକାର ଘୋଷଣା କରିଥିବା ସୂଚନା ରହିଛି। ଏବେ ଆକ୍ରାନ୍ତ ଜଣଙ୍କୁ ପଟ୍ଟୁଡିରେ ଥିବା ତାଲୁକ ହସ୍ପିଟାଲରେ ଭର୍ତ୍ତି କରାଯାଇଛି। ଏହାବାଦ ଆକ୍ରାନ୍ତଙ୍କ ସ୍ତ୍ରୀ ଓ ପିଲା ଛୁଆଙ୍କୁ ମଧ୍ୟ ଏକାନ୍ତବାସରେ ରଖାଯାଇଛି।
ସୂଚନାଯୋଗ୍ୟ, ଲକଡାଉନ୍ ୩ ବେଳେ ନିୟମ କୋହଳ ହେବା ପରେ ଏହି ବ୍ୟକ୍ତି ତାଙ୍କର ପାଉଁରିଟି ଦୋକାନ ଖୋଲିଥିଲେ। ଏହି ସମୟରେ ଅନେକ ଲୋକ ଆସି ତାଙ୍କ ପାଖରୁ ପାଉଁରୁଟି କିଣିଥିଲେ। ଏବେ ଯେଉଁମାନେ ଏହି ଦୋକାନକୁ ଆସିଛନ୍ତି ସେମାନେ ତାଙ୍କ ପରିଚୟ ନିଜ ଆଡୁ ଆସି ପ୍ରଶାସନକୁ ଦେବା ପାଇଁ ଅନୁରୋଧ କରିଛନ୍ତି କେରଳ ସରକାରଙ୍କର ଜଣେ ଅଧିକାରୀ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
