ନୂଆଦିଲ୍ଲୀ: ମଧ୍ୟ ପ୍ରଦେଶର ଜବଲପୁରରେ ଗତକାଲି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧିଙ୍କ ରୋଡ୍ ଶୋ’ ବେଳେ ଅଚାନକ ଏମିତି କିଛି ଘଟିଗଲା, ଯାହାକୁ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଗଲେ।
ରାହୁଲ ଏକ ମିନି ବସ୍ରେ ସବାର ହୋଇଥିଲେ। ତାଙ୍କଠାରୁ ପ୍ରାୟ ଦଶ ପାଦ ଦୂରରେ ହଠାତ୍ ବିସ୍ଫୋରଣ ହୋଇ ନିଆଁ ଲାଗି ଯାଇଥିଲା। କେହି କିଛି ବୁଝିବା ପୂର୍ବରୁ ନିଆଁ ହୁତୁ ହୁତୁ ହୋଇ ଜଳି ଥିଲା।
ତେବେ ଜାଣିଛନ୍ତି, ଏ ବିସ୍ଫୋରଣ କେମିତି ହେଲା? ରାହୁଲଙ୍କୁ ବନ୍ଦାପଣା କରି ପାଛୋଟି ନେବା ପାଇଁ ଏକ ଥାଳି ଦୀପ ଜାଳି ଅଣାଯାଉଥିଲା। ଏତିକି ବେଳେ ଗ୍ୟାସ୍ ଭର୍ତ୍ତି ବେଲୁନ୍ଗୁଡ଼ିକ ନିଆଁ ସଂସ୍ପର୍ଶରେ ଆସି ଫାଟି ଯାଇଥିଲା ଓ ନିଆଁ ଲାଗି ଯାଇଥିଲା।
ଏହି ଘଟଣାରେ କେହି ହତାହତ ହୋଇ ନାହାନ୍ତି। ବିସ୍ଫୋରଣ ଏତେ ବଡ଼ ନଥିଲା। ନିଆଁ ବି ଅଧିକ ମାତ୍ରାରେ ବ୍ୟାପି ନଥିଲା। ଆଖି ପିଛୁଳାକେ ସବୁ କିଛି ଘଟି ଯାଇଥିଲା। ବିସ୍ଫୋରଣରେ ରାହୁଲ ବି ଚମକି ପଡ଼ିଥିଲେ।
ଏ ଘଟଣା ପରେ ରାହୁଲ ଗାନ୍ଧିଙ୍କ ସୁରକ୍ଷା ବ୍ୟବସ୍ଥାକୁ ନେଇ ପ୍ରଶ୍ନ ଉଠିଛି।
(ଭିଡିଓ ସୌଜନ୍ୟ- ଅମର ଉଜାଲା)
https://www.youtube.com/watch?v=3hjzKEK5Rj4
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
