ଇସ୍ଲାମାବାଦ: ଆତଙ୍କବାଦୀଙ୍କ ବିରୋଧରେ ପାକିସ୍ତାନ ସରକାର କେମିତି କାର୍ଯ୍ୟାନୁଷ୍ଠାନ ଗ୍ରହଣ କରୁଛନ୍ତି, ତା’ର ଅସଲ ଚିତ୍ର ସାମ୍ନାକୁ ଆସିଛି। ଗୋଟିଏ ପଟେ ପାକିସ୍ତାନ ସରକାର ବ୍ୟାନ୍ ହୋଇଥିବା ସଂଗଠନର ସଦସ୍ୟମାନଙ୍କୁ ଗିରଫ କରିଥିବା କହୁଥିବା ବେଳେ ଅନ୍ୟପଟେ ସେମାନଙ୍କୁ କେମିତି ସହଯୋଗ କରୁଛନ୍ତି, ତାର ପ୍ରମାଣ ମିଳିଛି। ପାକିସ୍ତାନରେ ବ୍ୟାନ୍ ହୋଇଥିବା ଏକ ଆତଙ୍କୀ ସଂଗଠନର ପ୍ରତିଷ୍ଠାତା ଆଜି ସରକାରୀ ଦଳ ପାକିସ୍ତାନ-ଇ-ତେହେରିକ-ଇନସାଫ୍ (ପିଟିଆଇ)ରେ ଯୋଗଦେବା ପରେ ଇମ୍ରାନ୍ ଖାନ୍ଙ୍କ ଅସଲ ମୁଖା ଖୋଲିଯାଇଛି।
ପାକ୍ ମିଡିଆ ରିପୋର୍ଟ ଅନୁଯାୟୀ, ବ୍ୟାନ୍ ହୋଇଥିବା ହରକତ ଉଲ ମୁଜାହିଦ୍ଦିନର ପ୍ରତିଷ୍ଠାତା ମୌଲାନା ଫଜଲୁର ରେହମାନ ଖଲିଲ ଆଜି ଇମ୍ରାନ ଖାନ୍ଙ୍କ ପିଟିଆଇରେ ସାମିଲ ହୋଇଛନ୍ତି। ଦେଶରେ ଶାସନ କରୁଥିବା ପିଟିଆଇର ବିରିଷ୍ଠ ନେତା ଅସଦ ଉମର ଏକଥା ଘୋଷଣା କରିଛନ୍ତି। ସେ କହିଛନ୍ତି, “ କେବଳ ଫଜଲୁର ନୁହନ୍ତି ତାଙ୍କ ଦଳର ସମସ୍ତ ସଦସ୍ୟ ଏବଂ ସମର୍ଥକମାନେ ମଧ୍ୟ ଆଜି ପିଟିଆଇରେ ସାମିଲ ହୋଇଛନ୍ତି। ଫଜଲୁରଙ୍କ ଏଭଳି ଯୋଗଦାନ ପିଟିଆଇକୁ ଆହୁରି ସଶକ୍ତ କରିବ।”
ଫଜଲୁରର ଆତଙ୍କୀ ସଂଗଠନ ବ୍ୟାନ୍ ହେବା ପରେ ସେ ଅନସାର ଉଲ ଉମ୍ମା ନାମକ ଏକ ରାଜନୀତିକ ଦଳଗଠନ କରିଥିଲା। ଏହି ରାଜନୀତିକ ଦଳ ଲୋକଙ୍କ ସେବା ଅପେକ୍ଷା ଆତଙ୍କବାଦକୁ ପ୍ରୋତ୍ସାହିତ କରୁଥିଲା। ପାକିସ୍ତାନ ସାଧାରଣ ନିର୍ବାଚନରେ ମଧ୍ୟ ଫଜଲୁରର ଦଳ ପ୍ରାର୍ଥୀ ଦେଇଥିଲା। ଏବେ ଫଜଲୁର ପିଟିଆ ସହ ମିଶି ନିଜର ଆତଙ୍କୀ ସଂଗଠନକୁ ଆହୁରି ବୃଦ୍ଧି କରିବାର ଲକ୍ଷ୍ୟ ରଖିଥିବା ଜଣାପଡ଼ିଛି।
ପାକିସ୍ତାନ ସରକାର ଅସିଦ୍ଧ ହୋଇଥିବା ସଂଗଠନର ୧୮୨ରୁ ଅଧିକ ମଦ୍ରାସାକୁ ନିଜ ନିୟନ୍ତ୍ରଣକୁ ନେଇଥିବା କହୁଥିବା ବେଳେ ଏଭଳି ଘଟଣା ସାମ୍ନାକୁ ଆସିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
