ପାଟନା: ବିହାର ବିଧାନସଭା ନିର୍ବାଚନ ପାଇଁ ତାରିଖ ଘୋଷଣା ହୋଇ ସାରିଲାଣି। ତେବେ ଏଯାଏଁ ବିଜେପି ତା’ର ମୁଖ୍ୟମନ୍ତ୍ରୀ ପ୍ରାର୍ଥୀ ନାଁ ଘୋଷଣା କରୁ ନାହିଁ। କିନ୍ତୁ ଇତି ମଧ୍ୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏଠାରେ ୪ଟି ରାଲି କରି ସାରିଲେଣି। ତେଣୁ କର୍ମୀଙ୍କ ମନୋବଳ ଦୃଢ଼ ହୋଇଛି ଓ ସେମାନେ ଅଧିକ ଉତ୍ସାହିତ ହୋଇଛନ୍ତି। ଦଳର ବରିଷ୍ଠ ନେତାମାନେ କହିଛନ୍ତି ଯେ ମୋଦିଙ୍କ ରାଲି ଯୋଗୁଁ ରାଜ୍ୟରେ ଦଳର ସ୍ଥିତି ଆହୁରି ମଜଭୁତ ହୋଇଛି। ଯଦି ଆଗକୁ ଏମିତି ରାଲିର ଆୟୋଜନ କରାଯାଏ, ତା’ହେଲେ ଦଳ ନିଶ୍ଚିତ ଭାବେ ରାଜ୍ୟରେ ୧୨୨ଟି ଆସନରେ ବିଜୟୀ ହେବ। କୁହାଯାଉଛି ସେଥିପାଇଁ ଆଗକୁ ମୋଦି ରାଜ୍ୟରେ ଆହୁରି ୧୨ଟି ରାଲିରେ ଯୋଗ ଦେବେ।
ହରିଆଣା, ମହାରାଷ୍ଟ୍ର ଓ ଝାଡ଼ଖଣ୍ଡ ଭଳି ବିଜେପି ବିହାର ବିଧାନସଭା ନିର୍ବାଚନ ମଧ୍ୟ ମୋଦିଙ୍କ ନାଁରେ ପାର ହେବାକୁ ଯୋଜନା ପ୍ରସ୍ତୁତ କରିଛି। ଅନ୍ୟପକ୍ଷରେ ଆସନ ବୁଝାମଣା ନେଇ ଭାଜପା ଓ ଏହାର ମେଣ୍ଟଦଳଗୁଡ଼ିକ ମଧ୍ୟରେ ଟଣାଓଟରା ଚାଲିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।