ପୁନିଆ: ବିହାରର ପୁର୍ନିଆ ଜିଲ୍ଲାର ମରଗା ଥାନା ଅନ୍ତର୍ଗତ ନେବାବାଲା ଛକରେ ଶୁକ୍ରବାର ଏକ ଟ୍ରକ୍ ଓ ଆମ୍ୱୁଲାନ୍ସ ମଧ୍ୟରେ ଧକ୍କା ହେବା ଫଳରେ ୭ ଜଣଙ୍କର ମୃତ୍ୟୁ ଘଟିଛି। ଆମ୍ୱୁଲାନ୍ସଟି ଭାଗଲପୁର ମେଡିକାଲ କଲେଜରୁ ଅରରିଆ ଫେରୁଥିବା ବେଳେ ପୁନିଆ ନେବାବାଲା ଛକରେ ଏକ ଟ୍ରକକୁ ଧକ୍କା ଦେଇଥିଲା। ଆମ୍ୱୁଲାନ୍ସରେ ଥିବା ଦୁଇ ମହିଳାଙ୍କ ସହିତ ୭ ଜଣଙ୍କ ମୃତ୍ୟୁ ଘଟିଛି। ମୃତକଙ୍କ ମଧ୍ୟରେ ଏକ ନବଜାତ ଶିଶୁ ରହିଛି। ଦୁର୍ଘଟଣାରେ ଆମ୍ୱୁଲାନ୍ସ ଡ୍ରାଇଭର ବିଶାଲ କୁମାର ଓ ମାଲିକ ନବୀନ କୁମାରଙ୍କ ମଧ୍ୟ ମୃତ୍ୟୁ ଘଟିଛି।
ମରଗା ଥାନା ଅଧିକାରୀ ମୁକେଶ କୁମାର କହିଛନ୍ତି, ‘ମୃତକଙ୍କ ମଧ୍ୟରେ ପାଞ୍ଚ ଜଣ ଗୋଟିଏ ପରିବାର ସଦସ୍ୟ। ଶବ ବ୍ୟବଚ୍ଛେଦ ପାଇଁ ପୁର୍ନିଆ ସଦର ହସ୍ପିଟାଲକୁ ପଠାଇ ଦିଆଯାଇଛି। ଘଟଣାର ତଦନ୍ତ କରାଯାଉଛି।”