ପାଟନା: ପ୍ରଜ୍ଞା ଠାକୁରଙ୍କ ଗଡସେ ମନ୍ତବ୍ୟକୁ ନିଜ ଦଳ ବିଜେପି ପରେ ଏବେ ସହଯୋଗୀ ଦଳ ଜେଡିୟୁ ମଧ୍ୟ ନିନ୍ଦା କରିଛି। ଭୋପାଲ ଲୋକସଭା ଆସନର ବିଜେପି ପ୍ରାର୍ଥୀଙ୍କୁ ତୁରନ୍ତୁ ଦଳରୁ ବହିଷ୍କାର କରିବା ଦରକାର ବୋଲି ବିହାର ମୁଖ୍ୟମନ୍ତ୍ରୀ ତଥା ଜେଡିୟୁ ସୁପ୍ରିମୋ ନୀତୀଶ କୁମାର କହିଛନ୍ତି। ଏହା ପୂର୍ବରୁ ନୋବେଲ ଶାନ୍ତି ପୁରସ୍କାର ବିଜେତା କୈଳାଶ ସତ୍ୟାର୍ଥୀ ମଧ୍ୟ ପ୍ରଜ୍ଞା ଠାକୁରଙ୍କୁ ବହିଷ୍କାର କରିବା ପାଇଁ ବିଜେପିକୁ ଗତକାଲି ଆହ୍ୱାନ କରିଥିଲେ।
ନିକଟରେ ଅଭିନେତାରୁ ନେତା ହୋଇଥିବା କମଲ ହାସନ ତାମିଲନାଡୁର ମଦୁରାଇରେ ନିର୍ବାଚନୀ ରାଲି କରୁଥିବାବେଳେ ‘ସ୍ୱାଧୀନ ଭାରତର ପ୍ରଥମ ହିନ୍ଦୁ ଉଗ୍ରବାଦୀ ନାଥୁରାମ ଗଡସେ ବୋଲି କହିଥିଲେ। ଏହାର ପ୍ରତିକ୍ରିୟାରେ ସାଧ୍ୱୀ କହିଥିଲେ ଗଡସେ ଜଣେ ‘ଦେଶଭକ୍ତ’।
ମାଲେଗାଁଓ ବିସ୍ଫୋରଣ ଘଟଣାର ଅନ୍ୟତମ ଅଭିଯୁକ୍ତ ପ୍ରଜ୍ଞା ଠାକୁର ପୂର୍ବରୁ ମୁମ୍ୱାଇ ଆତଙ୍କବାଦୀ ଆକ୍ରମଣରେ ସହିଦ ହେମନ୍ତ କରକରେଙ୍କୁ ମଧ୍ୟ ସମାଲୋଚନା କରିଥିଲେ। ଯାହାକୁ ନେଇ ପ୍ରଜ୍ଞା ଠାକୁର ସମାଲୋଚନାର ଶିକାର ହୋଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
