ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିଜେପିର ସଙ୍କଳ୍ପ ପତ୍ର ଉନ୍ମୋଚନ କରିଛନ୍ତି। ଗୃହମନ୍ତ୍ରୀ ରାଜନାଥ ସିଂହ ୫ ବର୍ଷର ସଫଳତା ବଖାଣିଥିବାବେଳେ ଆଗାମୀ ଦିନରେ ବିଶ୍ବର ଶ୍ରେଷ୍ଠ ୩ଟି ଅର୍ଥନୈତିକ ଦେଶ ମଧ୍ଯରେ ଭାରତ ଆସିବ ବୋଲି ସେ କହିଛନ୍ତି। ଏଥିସହ ତାଙ୍କ ସରକାରର ନ୍ଯୁ ଇଣ୍ଡିଆ ନାରାକୁ ଦୋହରାଇଛନ୍ତି ରାଜନାଥ । ୬ କୋଟି ଲୋକଙ୍କ ମତକୁ ନେଇ ବିଜେପି ଏହି ସଙ୍କଳ୍ପ ପତ୍ର ଘୋଷଣା କରିଛି ବୋଲି ସେ କହିଛନ୍ତି।
ବିଜେପିର ସଙ୍କଳ୍ପ ପତ୍ର
- ଆତଙ୍କବାଦ ପ୍ରତି ଜିରୋ ଟଲେରାନ୍ସ ଲାଗିବ
- ଭାରତକୁ ଅନୁପ୍ରବେଶରେ ସଂପୂର୍ଣ୍ଣ ରୋକ୍ ଲାଗିବ
- ସିଟିଜେନସିପ୍ ବିଲ୍ ପାସ୍ ହେବ, ଲାଗୁ କରାଯିବ
- ଦେଶର ସୁରକ୍ଷା ପ୍ରତି କୌଣସି ପରିସ୍ଥିତିରେ ସାଲିସ କରାଯିବନି
- ମିଳିତ ଆଲୋଚନାରେ ଶୀଘ୍ର ରାମନ୍ଦିର ନିର୍ମାଣ ଚେଷ୍ଟା
- ୨୦୨୨ ସୁଦ୍ଧା କୃଷକଙ୍କ ଆୟ ୨ ଗୁଣା କରାଯିବ
- ଗ୍ରାମୀଣ ବିକାଶ ପାଇଁ ୫ ବର୍ଷରେ ୨୫ ଲକ୍ଷ କୋଟି ଖର୍ଚ୍ଚ ହେବ
- କୃଷକଙ୍କୁ ପିଏମ୍ କିଷାନ ନିଧି ସହାୟତା ଚାଲୁ ରହିବ
- ସବୁ ଚାଷୀଙ୍କୁ କୃଷକ ସମ୍ମାନ ନିଧି ସହାୟତା ମିଳିବ
- ଛୋଟ ଚାଷୀଙ୍କୁ ପେନସନ ସୁବିଧା ଦିଆଯିବ
- ଉଦ୍ୟୋଗୀଙ୍କ ପାଇଁ ରାଷ୍ଟ୍ରୀୟ ବ୍ୟାପାର ଆୟୋଗ କରାଯିବ
- ଦେଶର ଛୋଟ ଦୋକାନୀଙ୍କୁ ପେନସନ ବ୍ୟବସ୍ଥା ହେବ
- ଦେଶର ସବୁ ନିର୍ବାଚନ ଏକାସାଙ୍ଗରେ କରାଯିବ
- କେନ୍ଦ୍ର-ରାଜ୍ୟ ସଂପର୍କ ଅଧିକ ମଜବୁତ କରାଯିବ
- ଲ୍ୟାଣ୍ଡ ରେକର୍ଡର ଡିଜିଟାଇଜେନସ କରାଯିବ
- ଚାଷୀଙ୍କୁ ୧ଲକ୍ଷ ଟଙ୍କା ପର୍ଯ୍ଯନ୍ତ ଋଣ ବିନା ସୁଧରେ ଦିଆଯିବ
- ସବୁ ଗରିବ ପରିବାରକୁ ମାଗଣା ଏଲପିଜି କନେକ୍ସନ ଦିଆଯିବ
- ଦେଶରେ ଆଉ ୭୫ ମେଡିକାଲ କଲେଜ ପ୍ରତିଷ୍ଠା ହେବ
- ପ୍ରତି ବ୍ୟକ୍ତିକୁ ୫ କି.ମି ଭିତରେ ବ୍ୟାଙ୍କ ସୁବିଧା ମିଳିବ
- ୨୦୦ ନୂଆ କେନ୍ଦ୍ର ବିଦ୍ଯାଳୟ ଏବଂ ନବୋଦୟ ସ୍କୁଲ ପ୍ରତିଷ୍ଠା ପାଇଁ ପ୍ରତିଶୃତି
- ୨୦୨୪ ସୁଦ୍ଧା ଏମବିବିଏସ ଏବଂ ସ୍ପେଶାଲିଷ୍ଟ ଡାକ୍ତରଙ୍କ ସଂଖ୍ଯା ଦୁଇ ଗୁଣା ବୃଦ୍ଧି
- ଦେଶର ଅର୍ଥବ୍ଯବସ୍ଥାକୁ ଆଗକୁ ନେବା ପାଇଁ ୨୨ଟି ପ୍ରମୁଖ ଚାମ୍ପଅନ ସେକ୍ଟରର ନିର୍ଦ୍ଧାରଣ
- ପୂର୍ବାଞ୍ଚଳ ରାଜ୍ଯରେ ଏମଏସଏମଇକୁ ଆଗକୁ ନେବା ପାଇଁ ସ୍ବତନ୍ତ୍ର ଯୋଜନା
- ସମସ୍ତ ଅଙ୍ଗନବାଡ଼ି ଏବଂ ଆଶା କର୍ମୀ ଆୟୁଷ୍ନାନ ଭାରତ ଯୋଜନା ଅନ୍ତର୍ଭୁକ୍ତ ହେବେ
- ସମସ୍ତ ଦୋକାନୀ ପ୍ରଧାନମନ୍ତ୍ରୀ ଶ୍ରମ ୟୋଗୀ ମନ୍ଧନ ଯୋଜନାର ଅନ୍ତର୍ଭୁକ୍ତ ହେବେ
- ୨୦୧୪ ଯାଏଁ ୫୯ ଗାଁରେ ଅପ୍ଟିକାଲ ଫାଇବର ଥିଲା। ଏବେ ୧ ଲକ୍ଷ ୧୬ ହଜାର ଗାଁରେ ଅପ୍ଟିକାଲ ଫାଇବର ରହିଛି: ସୁଷମା
- ପ୍ରବାସୀ ଭାରତୀୟଙ୍କ ସହ ପାରମ୍ପରିକ ସମ୍ପର୍କ ବୃଦ୍ଧି ପାଇଁ ‘ଭାରତ ଗୌରବ’ର ଶୁଭାରମ୍ଭ ହେବ
- ସଙ୍କଳ୍ପ ପତ୍ରରେ ୭୫ଟି ଦିଗ ଉପରେ ନିଷ୍ପତ୍ତି ନିଆଯାଇଛି। ଦେଶପ୍ରେମ ଆମ ପ୍ରେରଣା, ଅନ୍ଯୋଦୟ ଆମ ଦର୍ଶନ, ସୁଶାସନ ଆମ ମନ୍ତ୍ର: ନରେନ୍ଦ୍ର ମୋଦି
ସଙ୍କଳ୍ପ ପତ୍ର ଘୋଷଣା କରିବା ପୂର୍ବରୁ ୫ ବର୍ଷ ସରକାରର ସଫଳତା ବଖାଣିଥିଲେ ବିଜେପି ସଭାପତି ଅମିତ ଶାହ।
BJP releases Sankalp Patra for Lok Sabha elections 2019. #BJPSankalpPatr2019 pic.twitter.com/SO4JNtc4Oq
— BJP (@BJP4India) 8 April 2019
୨୦୧୪ ବେଳେ ବିଜେପି ସରକାରକୁ ଆସିଥିବାବେଳେ ଦେଶର ଅର୍ଥନୀତି ଅନ୍ତର୍ଜାତୀୟ ସ୍ତରରେ ୧୧ ନମ୍ବରରେ ଥିବାବେଳେ ଏବେ ୫ ନମ୍ବରରେ ପହଞ୍ଚିଥିବା ସେ କହିଛନ୍ତି । ୫ ବର୍ଷରେ ୫୦ରୁ ଅଧିକ ବଡ଼଼ ନିଷ୍ପତ୍ତି ମୋଦି ସରକାର ନେଇଥିବା ସେ କହିଛନ୍ତି ।
ଶ୍ରୀ ଶାହ କହିଛନ୍ତି, ଭାରତ ଏବେ ମହାକାଶରେ ମହଶକ୍ତିରେ ପରିଣତ ହୋଇଛି। ବିଭିନ୍ନ ଦୁର୍ନୀତି ଓ ଆତଙ୍କବାଦ ପ୍ରସଙ୍ଗରେ ମୋଦି ସରକାର କଡ଼ା ପଦକ୍ଷେପ ନେଇ ଲୋକଙ୍କ ପ୍ରତି ସରକାରର ସଙ୍କଳବଦ୍ଧକୁ ପ୍ରମାଣ କରିଛନ୍ତି। ମୋଦି ସରକାର ବିରୋଧରେ କୌଣସି ଦୁର୍ନୀତିର ଅଭିଯୋଗ ନାହିଁ। ୨୦୧୯ରେ ଭାରତର ଇତିହାସ ସ୍ବର୍ଣ୍ଣିମ ଅକ୍ଷରରେ ଲେଖାଯିବ ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
