ଲକ୍ଷ୍ମୌ: ଉତ୍ତର ପ୍ରଦେଶ ବୁଲନ୍ଦସହର ଲୋକସଭା ଆସନର ବିଜେପି ପ୍ରାର୍ଥୀ ତଥା ସାଂସଦ ଭୋଳା ସିଂହଙ୍କୁ ପୁଲିସ ଗୃହବନ୍ଦୀ କରି ରଖିଛି। ମତଦାନ ବେଳେ ନିଜ ସପକ୍ଷରେ ଭୋଟ ପାଇଁ ସେ ଅପିଲ୍ କରୁଥିବାର ଏକ ଭିଡିଓ ଭାଇରାଲ ହୋଇଥିଲା , ପରେ ନିର୍ବାଚନ କମିଶନଙ୍କ ନିର୍ଦ୍ଦେଶକ୍ରମେ ଏପରି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି।
ଶର୍ମା ଇଣ୍ଟର କଲେଜ ପୋଲିଂ ଷ୍ଟେସନରେ ବିଜେପି ପ୍ରାର୍ଥୀ ନିଜ ସପକ୍ଷରେ ଭୋଟ ପାଇଁ ଅପିଲ କରୁଥିବାର ଏକ ଭିଡିଓ ଭାଇରାଲ ହୋଇଛି। ଯେଉଁଥିରେ ଦଳୀୟ ସଂକେତ ପଦ୍ମ ଥିବା ଏକ ଉତ୍ତରୀୟ ପିନ୍ଧି ସେ ବିଜେପିକୁ ଭୋଟ ଦେବାପାଇଁ ନିବେଦନ କରୁଥିବାର ଦେଖିବାକୁ ମିଳିଛି। ଜଣେ ପୁଲିସ ଅଧିକାରୀ ଏପରି କରିବା ପାଇଁ ବିଜେପି ପ୍ରାର୍ଥୀଙ୍କୁ ବାରଣ କରିଥିଲେ, ହେଲେ ସେ ଜିଲ୍ଲା ନିର୍ବାଚନ ଅଧିକାରୀଙ୍କ ପାଖରୁ ଅନୁମତି ଆଣିଛନ୍ତି ବୋଲି ଯୁକ୍ତି ବାଢ଼ିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
