ବିଜେପି ଏମପିଙ୍କୁ ଜୀବନରୁ ମାରିଦେବାକୁ ଧମକ, ଭିଏଚପି ପକ୍ଷରୁ ବନ୍ଦ ଡକରା

ବେଙ୍ଗାଲୁର: ଐତିହାସିକ ମହିଶୂର ଶାସକ ଟିପୁ ସୁଲତାନଙ୍କ ଜୟନ୍ତୀ ଉତ୍ସବ ପାଳନକୁ କେନ୍ଦ୍ର କରି ହିଂସା ପରେ ଅଶାନ୍ତ ହୋଇପଡିଛି କର୍ଣ୍ଣାଟକ। ଉତ୍ସବ ପାଳନକୁ ସଂଘ ପରିବାର ସମେତ ଅନେକ ସଂଗଠନ ବିରୋଧ କରୁଛନ୍ତି। ଏ ନେଇ ଗୁରୁବାର କର୍ଣ୍ଣାଟକର ଜଣେ ସାଂସଦଙ୍କୁ ଜୀବନରୁ ମାରିଦେବାକୁ ଧମକ ମିଳିଥିବା ଅଭିଯୋଗ ହୋଇଛି। ଏକ ନିର୍ଦ୍ଧିଷ୍ଠ ଗୋଷ୍ଠୀର ବ୍ୟକ୍ତି କୋଡାଗୁ ଜିଲ୍ଲାର ବିଜେପି ସାଂସଦ ମହିଶୂର ପ୍ରତାପ ସୀମାହାଙ୍କୁ ଫେସବୁକରେ ଜୀବନରୁ ମାରିଦେବାକୁ ଧମକ ଦେଇଥିବା ଅଭିଯୋଗ ହୋଇଛି। ଏ ନେଇ ସ୍ଥାନୀୟ ଥାନାରେ ସାଂସଦ ଅଭିଯୋଗ କରିଛନ୍ତି। ଟିପୁ ସୁଲତାନଙ୍କ ଜୟନ୍ତୀ ପାଳନକୁ ବିଶ୍ୱ ହିନ୍ଦୁ ପରିଷଦ (ଭିଏସପି) ବିରୋଧ କରି ଶୁକ୍ରବାର ବନ୍ଦ ଡାକରା ଦେଇଛି। ମଙ୍ଗଳବାର ବିକ୍ଷୋଭ ପ୍ରଦର୍ଶନ ବେଳେ ଜଣେ ଭିଏଚପି କର୍ମୀ ପ୍ରାଣ ହରାଇଥିଲେ। ଏହାକୁ ନେଇ ବିଜେପି କର୍ଣ୍ଣାଟକର ମୁଖ୍ୟମନ୍ତ୍ରୀ ସିଦ୍ଧରାମାୟା ଇସ୍ଥଫା ଦାବି କରିଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।